बोदवड (प्रतिनिधी) तालुक्यातील मनूर खुर्द येथे सुरू असलेल्या पुलाचे निकृष्ट दर्जाचे बांधकाम तोडायला सुरुवात झाल्याची माहिती समोर येत आहे.
नुकतेच गेल्या वर्षभरापासून रखडलेले बांधकाम सुरू झाले. पण हे बांधकाम करतांना आराखड्यात नमूद अटींप्रमाणे न करता निकृष्ट दर्जाचे बांधकाम सुरू होते. याबाबत ‘क्लिअर न्यूज’ प्रतिनिधीने बांधकाम विभागात विचारणा करत निकृष्ट बांधकाम बाबत सचित्र वृत्त प्रसिद्ध केले होते. त्याची दखल घेत बांधकाम विभागाने हे बांधकाम ठेकेदारास पाडायला लावले. आता या पुढे असे चुकीचे बांधकाम होणार नाही? याची दक्षता घ्यावी, अशा सूचना संबंधित ठेकेदारास दिल्या असल्याचे बांधकाम विभागाकडून सांगण्यात आले आहे.
