पैठण (वृत्तसंस्था) तालुक्यातील चितेगाव येथील कोविड सेंटरमधील रुग्णांना दिल्या जाणाऱ्या शाकाहारी जेवणात चक्क मटणाचे तुकडे आढळल्याने खळबळ उडाली आहे.
नेहमीप्रमाणे बुधवारी चितेगाव येथील रुग्णांना रात्री शाकाहारी जेवण देण्यात आले. तालुक्यातील केकत जळगाव येथील माळकरी महिला रात्रीचे जेवण करताना त्यांना भाजीमध्ये चक्क मटणाचे तुकडे आढळले. शाकाहारी जेवणात मटणाचे तुकडे असल्याचे उघड झाल्यानंतर चितेगाव येथील कोविड केअर सेंटरमध्ये उपचार घेत असलेल्या शाकाहारी रुग्णामध्ये संतापाचे वातावरण निर्माण झाले. या घटनेमुळे संतप्त झालेल्या रुग्णांनी, चितेगाव कोविड केअर सेंटरमध्ये घोषणाबाजी केली.
