पुणे (वृत्तसंस्था) हिंदी फिल्म अभिनेता जॅकी श्रॉफ यांच्या साधेपणाचं रूप मावळवासीयांना पहायला मिळाले. त्यांच्या घरात घरकाम करणाऱ्या तरुणीच्या आजीचं निधन झाल्याची बातमी समजल्यानंतर जॅकी श्रॉफ थेट या मुलीच्या घरी म्हणजेच पुणे जिल्ह्यातील मावळमधील पवनानगर या ठिकाणी पोहोचले. वयाची शंभरी ओलांडलेल्या तान्हाबाई ठाकर यांच्या निधनाची बातमी समजल्यानंतर आज सकाळी जॅकी स्वत: दीपालीच्या आजीच्या घरी गेले आणि त्यांच्या कुटुंबाचे सांत्वन केले.
सध्या देशभरात जॅकी श्रॉफचं मोठं कौतुक होतं आहे. त्यामागील कारणंही तसंच काहीसं आहे. जॅकीच्या घरात काम करणाऱ्या तरुणीच्या आजीचं पुणे जिल्ह्यातील मावळ येथील पवनानगर येथे निधन झालं. याबद्दल कळताच घरकाम करणाऱ्या महिलेच्या कुटुंबाचं सांत्वन करण्यासाठी जॅकी दादा पुण्याला पोहोचला. दिपाली तुपे नावाची तरुणी जॅकी श्रॉफ यांच्या घरात अनेक दिवसांपासून काम करते. त्यांची आजी तान्हाबाई ठाकर यांचं काही दिवसांपूर्वी निधन झालं. याबद्दल कळताच आपल्या घरात काम करणाऱ्या महिलेच्या कुटुंबाचं सांत्वन करण्यासाठी जॅकी श्रॉफ स्वत: तिच्या आजीच्या घरी पोहोचले.
जॅकी श्रॉफ आज इतका प्रसिद्ध आहे. संपत्तीदेखील अमाप आहे. मात्र त्याचं बालपण मात्र सर्वसाधारण परिस्थितीत गेलं आहे. जॅकी श्रॉफ यांचं बालपण एका चाळीत गेलं आहे. मात्र गेल्या काही वर्षांत मेहनतीने त्यानं आज संपत्ती उभी केली आहे. पुण्यातील मावळ येथील चांदखेड येथे जॅकीचा बंगला आहे. अनेकवेळा तो तेथे मुक्कामाला जातो. तो काही दिवसांपूर्वी मावळला गेला होता. त्यावेळी दिपाली यांच्या आजीचं १०० व्या वर्षी निधन झाल्याचं कळताच त्याने दिपाली यांच्या घरी जाऊन त्यांची विचारपूस केली. अगदी साध्या मात्र आपल्या माणसाप्रमाणे तो त्यांच्या घरी गेला. जमिनीवर बसला आणि दिपालीच्या कुटुंबाच्या दु:खात सहभागी झाला.
