धरणगाव (प्रतिनिधी) जिल्हा विधिसेवा प्राधिकरण, जळगाव व दिवाणी व फौजदारी न्यायालय धरणगाव व वकील संघ धरणगाव यांच्या संयुक्त विद्यमाने, इंदिरा गांधी माध्यमिक विद्यालय धरणगाव येथे संविधान जनजागृती कार्यक्रम संपन्न झाला. (Constitution Day awareness program)
कार्यक्रमाची सुरुवात संविधानाच्या उद्देशिकेचे सामूहिक वाचन करून करण्यात आले, हे सामूहिक वाचन कार्यक्रमाचे अध्यक्ष दिवाणी व फौजदारी न्यायालय धरणगावचे न्यायाधिश अविनाश ढोके साहेब यांनी केले. यावेळी डॉ. बाबासाहेब आंबेडकर, महात्मा गांधी व प्रस्ताविकेच्या प्रतिमांचे पूजन व दिप-प्रज्वलन करण्यात आले.
कार्यक्रमाचे प्रास्ताविक ॲड. गजानन पाटील यांनी केले, तर राज्यघटना कलम 21 संबंधी मार्गदर्शन अ‍ॅड. संदीप पाटील यांनी केले. तसेच संपत्ती मूलभूत अधिकार संबंधित मार्गदर्शन अ‍ॅड. महेंद्र चौधरी यांनी केले. कार्यक्रमाचे प्रमुख पाहुणे सहन्यायाधीश आशिष सूर्यवंशी यांनी घटनेचे मूलभूत अधिकार यांच्याविषयी सखोल मार्गदर्शन केले. अध्यक्षीय भाषणात न्यायाधीश अविनाश ढोके यांनी संविधानाच्या प्रास्ताविकेचे सविस्तर विवेचन केले.आभार प्रदर्शन संदीप सुतारे यांनी केले. कार्यक्रमाचे सूत्रसंचालन अ‍ॅड. प्रशांत क्षत्रिय यांनी केले.
कार्यक्रमात उपस्थित कार्यक्रमाचे अध्यक्ष आदरणीय न्यायाधिश अविनाश ढोके, प्रमुख अतिथी आदरणीय सहन्यायाधीश आशिष सूर्यवंशी, इंदिरा गांधी माध्यमिक विद्यालयाचे सचिव सी. के. पाटील, विद्यालयाच्या मुख्याध्यापिका सौ. सुरेखा पाटील, वकील संघाचे अध्यक्ष अ‍ॅड. आर एस पाटील, उपाध्यक्ष अ‍ॅड. कैलास मराठे, सिनियर विधिज्ञ व्ही. एस. भोलाने, सिनिअर अ‍ॅड. सी झेड कट्यारे, अ‍ॅड. आर एस शिंदे, अ‍ॅड. आसिफ कादरी, अ‍ॅड. विक्रम परिहार, अ‍ॅड. गणेश मांडगे, अ‍ॅड. राहूल बडगुजर, अ‍ॅड. मनोज दवे, अ‍ॅड. एकनाथ पाटील व वकील संघाचे पदाधिकारी तसेच प्रा. व्ही जी पाटील प्राथमिक विद्यामंदिराचे मुख्याध्यापक बळवंत पाटील, आदर्श माध्यमिक विद्यालयाचे मुख्याध्यापक संदीपकुमार सोनवणे, पर्यवेक्षक ए. एस. पाटील, जी.पी. चौधरी आदी उपस्थित होते.
