जळगाव (प्रतिनिधी) शहरातील ईच्छादेवी परिसरातील ६१ भाजप कार्यकर्त्यांनी रविवारी शिवसेनेत प्रवेश केला. महानगरप्रमुख शरद तायडे यांच्यासह नगरसेवक प्रशांत नाईक, विरोधीपक्षनेते सुनील महाजन यांच्यासह शिवसेनेचे पदाधिकारी या वेळी उपस्थित होते.
ईच्छादेवी परिसरातील ६१ कार्यकर्त्यांनी रविवारी शिवसेनेत प्रवेश केला. प्रभागातील समस्यांचा निपटारा होत नसल्याने कार्यकर्त्यांनी नाराजी व्यक्त केली होती.दोन वेळा समजूत काढण्यासाठी त्यांची बैठकही घेण्यात आली होती. शिवसेनेत दाखल झालेले कार्यकर्ते हे भाजपचे माजी महानगराध्यक्ष तथा माजी नगरसेवक अशाेक लाडवंजारी यांचे निकटवर्तीय मानले जातात.
