पाळधी ता. धरणगाव (शाहबाज देशपांडे)
स्वातंत्र्य दिनानिमित्त कार्यक्रमासाठी आज संध्याकाळी धरणगाव जात असताना रस्त्यात दिसलेल्या अपघातातील जखमींना पाणीपुरवठा व स्वछता मंत्री ना.गुलाबरावजी पाटील यांचे चिरंजीव प्रताप गुलाबरावजी पाटील यांनी तातडीने वैद्यकीय मदत मिळवून दिली. या घटनेमुळे प्रतापभाऊंच्या संवेदनशीलतेचा अनुभव अपघातग्रस्तांसह येथील नागरिकांना आला.
स्वातंत्र्य दिनाच्या कार्यक्रमासाठी आज संध्याकाळी पाळधीहुन धरणगाव जाताना धरणगाव महाविद्यालयाजवळ मोटरसायकल घसरून अपघात झाल्याचे दिसले त्यावेळी त्यांनी तत्काळ आपली गाडी थांबविली आणि येथील स्थितीची चौकशी केली. अपघातात महिलेला मुका मार लागल्याचे त्यांना दिसले. यावेळी प्रतापभाऊंनी जास्त वेळ न घालता स्वतः अपघातग्रस्तांना तातडीने उचलून वाहनात बसवले आणि पुढील वैद्यकीय उपचारासाठी रुग्णालयात पाठविले. तातडीने मदत मिळाल्याने अपघातग्रस्तांच्या नातेवाईकांनी प्रतापभाऊंचे आभार मानले.
