जळगाव (प्रतिनिधी) एम.एस (जनरल सर्जरी) परीक्षेचा निकाल नुकताच 14 सप्टेंबर रोजी जाहीर करण्यात आला. या परीक्षेत डॉ.हर्षद गुरव चव्हाण यांनी शासकीय मेडिकल कॉलेज औरंगाबाद येथून पदवीत्तर पदवी संपादन केली आहे.
डॉ.हर्षद गुरव चव्हाण यांनी याआधी के.एम. हॉस्पिटल मुंबई येथून एमबीबीएसची पदवी संपादन केली होती. डॉ. हर्षद चव्हाण हे जळगाव येथील डॉ. गोरख पाटील चव्हाण (मुळगाव अहिरे खुर्द ता.धरणगाव) आणि सौ. आशा गोरख चव्हाण यांचे चिरंजीव आहेत. तसेच हर्षदीप डेंटल क्लिनिकचे संचालक डॉ. भूषण गोरख चव्हाण (एमडीएस) यांचे लहान बंधू असून उत्तर महाराष्ट्र विद्यापीठातील सुरेश चव्हाण यांचे पुतणे आहेत. डॉ. हर्षद चव्हाण यांनी जनरल सर्जरी पदवीत्तर पदवी संपादन केल्यामुळे संपूर्ण धरणगाव तालुक्यासह जळगाव जिल्ह्यातून त्यांचे अभिनंदन होत आहे.
