जळगाव प्रतिनिधी । कुख्यात गुंड दाऊद इब्राहिमच्या हस्तकांनी दुबईवरून फोनद्वारे महाराष्ट मुख्यमंत्री उद्धव ठाकरे यांचे मातोश्री हे निवासस्थान उडवण्याची भ्याड धमकी दिली आहे. या धमकीच्या विरोधात जळगाव शहरात एनएसयुआयच्या कार्यकर्त्यांनी दाऊद इब्राहिम याच्या पुतळ्याचे दहन करून निषेध व्यक्त केला आहे.
शिवसेनाप्रमुख स्वर्गीय बाळासाहेब ठाकरे यांना मानणार्‍या संपूर्ण महाराष्ट्रातील नागरिकांचे मातोश्री हे श्रद्धास्थान आहे. कुख्यात गुंड दाऊदच्या हस्तकांनी मातोश्रीला उडवण्याची धमकी दिल्याचा आपण निषेध करीत असल्याचे एनएसयुआयच्या कार्यकर्त्यांनी म्हटले आहे. मोदी सरकारने राजकारण करण्यापेक्षा दाऊदला भारतात आणण्यात शक्ती लावावी अशीही मागणी या वेळी करण्यात आली. याप्रसंगी जिल्हाध्यक्ष देवेंद्र मराठे, अल्पसंख्यांक जिल्हा उपाध्यक्ष जाकीर बागवान, उपाध्यक्ष श्याम तायडे, अमजद पठाण, पी. जी. पाटील, वासुदेव महाजन, भरत ललवानी आदी उपस्थित होते.
