जळगाव (प्रतिनिधी ) । जळगाव रेल्वे स्टेशनच्या डाऊन लाईनवर सकाळी धावत्या रेल्वेतून पडून गंभीर जखमी झालेल्या अनोळखी तरुणाचा जागीच मृत्यू ओढवल्याची दुर्दैवी घटना घडली आहे. तरुणाची ओळख पटविण्याचे आवाहन पोलिसांनी केले आहे.
याबाबत सविस्तर वृत्त असे की, जळगाव रेल्वे स्टेशनच्या डाऊन लाईनवर गंध्या नाल्याजवळ धावत्या रेल्वेतून गुरुवार दि. १९ जानेवारी रोजी सकाळी ७. २५ वाजेपूर्वी अनोळखी तरुण पडल्याची दुर्दैवी घटना घडली . यात तरुणास जबर मार लागल्याने त्याचा जागीच मृत्यू ओढावला आहे. सदरची घटना जळगाव रेल्वे स्टेशन येथे खंबा नंबर ४२०/ २९ ते ४२० / ३१ चे मध्ये डाऊन मेन रेल्वे लाईन जवळ घडली आहे. मयत तरुणाचे अंदाजे २७ वर्ष वय असून केस काळे, रंगाने गोरा, शरीर बांधा सडपातळ उंची ५ बाय ५, अंगात कळ्या रंगाचे टी-शर्ट घातलेले व निळ्या रंगाची जीन्स पॅन्ट व डॉलर कंपनीची निळ्या रंगाची अंडरवेअर परिधान केलेली आहे. याबाबत डीवायएसएस एस एस ठाकूर यांच्या खबरीवरून जळगाव रेल्वे पोलीस चौकीत मर्ग दाखल करण्यात आले आहे. पुढील तपास पो. हवालदार सचिन कुमार जगदीश भावसार हे करीत आहेत. तरी सदर मयत यांची ओळख पटली नसून व त्यांचे प्रेत ओळख पटवणे कामी शासकीय वैद्यकीय महाविद्यालय व रुग्णालय जळगाव येथे राखून ठेवले आहे. नागरिकांना ओळख पटवण्याचे आवाहन जळगाव रेल्वे पोलीस यांनी केले आहे.
