जळगाव (प्रतिनिधी) एटीएम कार्ड क्लोन करून ६ अकाऊंट ४१२ कोटी रूपये काढण्याची तयारी असणाऱ्या एका टोळीचा पर्दाफाश झाला आहे. याप्रकरणी रामानंद पोलिसांनी जळगावातून हेमंत ईश्वरलाल पाटील (जळगाव), मोहसीन खान इस्माईल खान (धुळे) या दोघांना एकलव्य क्रीडा संकुलच्या पाठीमागून अटक केली असून उर्वरित आरोपींचा शोध सुरु आहे. याबाबत पोलीस निरीक्षक अनिल बडगुजर यांनी आज पत्रकारांना माहिती दिली.
एकनाथराव खडसे यांच्यावर गंभीर आरोप करून चर्चेत आलेला मनीष भंगाळे याच्या मदतीने जळगावच्या दोन तरुणांनी त्याच्याकडून एटीएम कार्ड क्लोनींग करत एक हजार रूपये बँक खात्यातून काढले. त्यानंतर या टोळीचे स्वप्न मोठे झाले व त्यांनी एटीएम कार्ड क्लोन करून चक्क चारशे कोटी रूपये काढण्याचा प्लान आखला. परंतू मनीष भंगाळे याने पोलिसांशी संपर्क साधून सर्व हकीगत सांगितली. बँकेतून डाटा गोळा करून चोरीचा करण्याचा प्रयत्न होता. पोलिसांनी मनीषा भंगाळेला माफीचा साक्षीदार माफीचा साक्षीदार बनवित सापळा रचून जळगावातून दोघांना अटक केली आहे. याप्रकरणी पोलिसांनी ४२०,१२० (ब) यासह अन्य कलमान्वये गुन्हा दाखल केला आहे.
