जळगाव (प्रतिनिधी) भाईचंद हिराचंद रायसोनी पतसंस्थेतील अपहार प्रकरणात आज त्यातील अमरावती, परभणी, लातुर, सांगली, लातुर व पुण्यात दाखल असलेल्या सात गुन्ह्यांमध्ये प्रमोद रायसोनी याच्यासह १४ संचालकांवर जिल्हा न्यायालयात दोषारोपपत्र सादर करण्यात आले.
जिल्हा कारागृहात बंदी असलेले संचालक प्रमोद रायसोनीसह १४ जणांना व्हिडीओ कॉन्फरन्सींगच्या माध्यमातून न्यायालयात हजर करण्यात आले. यावेळी त्यांच्यावर विविध सात कलमांखाली दोष ठेवण्यात आले आहेत. दरम्यान, राज्यभरातील ८१ पोलिस ठाण्यांमध्ये गुन्हे दाखल आहेत. त्यातील अमरावती, परभणी, लातुर, सांगली, लातुर व पुण्यात दाखल सात गुन्ह्यांमध्ये आज मंगळवारी पहिले तदर्थ जिल्हा व सत्र न्यायाधिश आर. एन. हिवसे यांच्या न्यायालयात दोषारोप सादर करण्यात आले. बीएचआरमधील अपहार प्रकणात राज्यभरात दाखल असलेल्या गुन्ह्यांची सुनावणी जळगाव न्यायालयात होणार आहे. त्या अनुशंगाने तपास पुर्ण झालेल्या सात गुन्ह्यांमध्ये दोषारोप सादर करण्यात आले. जिल्हा सरकारी वकील अॅड. केतन ढाके यांनी हे दोषारोप सादर केले आहेत. संशयितांतर्फे अॅड. अकील इस्माईल यांनी काम पाहिले.