मुंबई (वृत्तसंस्था) राष्ट्रवादीचे अध्यक्ष शरद पवार मुख्यमंत्री उद्धव ठाकरे यांच्या भेटीसाठी ‘वर्षा’ निवासस्थानी पोहोचले आहेत. दरम्यान, या भेटीमागचे नेमके कारण अद्याप गुलदस्त्यात आहे.
संजय राऊत आणि देवेंद्र फडणवीस यांची २६ सप्टेंबरला मुंबईतील ग्रँड हयात हॉटेलमध्ये भेट झाली होती. दुपारी दीड ते साडेतीन असे तब्बल दोन तास ते एकत्र होते. राऊत आणि फडणवीस यांच्या भेटीच्या दुसऱ्याच दिवशी पवार-ठाकरे यांची बैठक होत असल्याने राजकीय वर्तुळाच्या नजरा लागल्या आहेत. संजय राऊत यांनी फडणवीस यांची भेट घेतल्यानंतर राज्यातील राजकारणात खळबळ उडाली होती. सुरुवातीला दोन्ही पक्षांनी अशी कोणतीही भेट झाली नसल्याचे म्हटले होते. मात्र, नंतर स्वतः संजय राऊत यांनीच या भेटीची कबुली दिली.
