चाळीसगाव (प्रतिनिधी) वाहन कर्जाच्या नावाखाली बँक ऑफ महाराष्ट्राची १ कोटी ३० लाखांत फसवणूक केल्याप्रकरणी बँकेच्या दोन तत्कालीन अधिकाऱ्यांसह एकाविरुद्ध गुन्हा दाखल करण्यात आला आहे.
या संदर्भात निशांत माणिकराव इलमकर यांनी दिलेल्या फिर्यादीत म्हटले आहे की, दि. १ ऑक्टोबर २०२१ आणि १ जानेवारी २०२२ रोजी सुशील भालचंद्र पाटील (रा.पंचवटी, नाशिक) यांनी वाहण घेण्यासाठी बनावट कागदपत्र खरे असल्याचे बँकेला भासवून ते बँकेत सादर केली. तर बँकेच्या तत्कालीन ब्रांच मॅनेजर अजय सिंग यांनी व प्रोसेसिंग अधिकारी मंदार चंद्रशेखर देशमुख यांनी कागदपत्रांची प्रत्यक्ष खात्री केली नाही. या संशयित आरोपींनी संगणमत करून अर्जदार सुशिल पाटील यांना वाहन कर्जाकरित एकुण एक कोटी तीस लाख रुपयाचे कर्ज मंजूर करून मंजुर केले. सुशील पाटील याने बँकेकडुन वाहन कर्ज म्हणुन कोटी तीस लाख घेत अपहार करुन फसवणुक केली आहे. याप्रकरणी तिघां संशयितांना विरुद्ध गुन्हा दाखल करण्यात आला असून पुढील तपास सहा. पोलीस निरीक्षक सागर ढिकले हे करीत आहेत.
