बोदवड (प्रतिनिधी) शहरातील हिरव्या तलावाच्या पुनरुज्जीवनास १ कोटी ८५ लाख निधी मंजूर झाल्यामुळे नगराध्यक्ष व नगरसेवकांनी आमदार चंद्रकांत पाटील यांचे आभार मानले आहेत.
शहरातील हिरव्या तलावाची हिरव्या तलावाच्या पुनरुज्जीवन प्रकल्पास अमृत अभियानांतर्गत १ कोटी ८५ लाख रुपये निधी मंजूर झालेला आहे. त्यामुळे तलावाचे सुशोभीकरण , वाॅकींग ट्रॅक, बाक,प्रसाधनगृह , लाईट,तसेच अन्य सुशोभीकरण कामे होणार आहेत. गेल्या अनेक वर्षांपासून असलेल्या या नागरिकांच्या मागणीसाठी नगरपंचायतीचे नगराध्यक्ष आनंदा पाटील व बाळासाहेबांची शिवसेनेच्या नगरसेवक यांनी आमदार चंद्रकांतभाऊ पाटील यांच्या माध्यमातून सुरु असलेल्या प्रयत्नांनंतर हा निधी मंजूर झाला असल्याने नगराध्यक्ष व बाळासाहेबांची शिवसेना पक्षाच्या नगरसेवक आणि पदाधिकाऱ्यांनी आमदार चंद्रकांत पाटील यांचे आभार मानले आहेत.
