भुसावळ (प्रतिनिधी) शहरातील राहुल नगर येथील वाल्मीक समाजाचे आखाड्या समोरील मोकळ्या पटांगणात एक इसम गावठी पिस्टल सोबत बाळगत असल्याची गोपनीय माहिती बाजारपेठ पोलीस स्टेशनचे निरीक्षक राहुल गायकवाड यांना मिळाली.गुन्हे शोध पथकातील कर्मचाऱ्यांना कार्यालयात बोलावून मिळालेल्या माहिती संदर्भात सूचना देऊन कारवाई करण्याचे आदेश दिल्याने पथक घटनास्थळी पोहचून सापळा रचून त्यास ताब्यात घेतले असता त्याच्या अंगझडती मध्ये त्याच्या जवळून एक बनावट गावठी पिस्टल सह दोन जिवंत काडतुसे पोलिसांनी जप्त केले आहे.
सविस्तर वृत्त असे की,फिर्यादी पो.ना शशिकांत पांडुरंग तायडे यांनी दिलेल्या फिर्यादीवरून दिनांक 22/09/2022 रोजी 23:50 वाजेला भुसावळ शहरातील राहुल नगर येथील वाल्मीक समाजाचे आखाड्या समोरील मोकळ्या पटांगणात एक इसम गावठी पिस्टल सोबत बाळगत आहे मिळालेल्या माहितीच्या आधारे सापळा रचून बसले असता आकाश राजेश टाक वय 29 राहणार 72 खोली,वाल्मीक नगर भुसावळ हा त्याच्या कब्जात विना पास परवाना गावठी बनावटीच 15000 रू. किंमतीचे एक पिस्टल व 1000 रू. किंमतीचे दोन जिवंत काडतुसे बाळगतांना मिळून आला एकूण 16000 रुपयांचा मुद्देमाल आरोपींच्या ताब्यातून पोलिसांनी जप्त करण्यात आला असून उपविभागीय पोलीस अधिकारी सोमनाथ वाघचौरे यांच्या मार्गदर्शनाखाली बाजारपेठ पोलीस स्टेशनचे निरीक्षक राहुल गायकवाड यांच्या आदेशावरून आरोपितांच्या विरुद्ध भारतीय शस्त्र अधिनियम 3/25 व म.पो.अधिनियम कलम ( 37) (3) चे उल्लंघन केले म्हणून गुन्हा नोंद करण्यात आला आहे.
सदरची कारवाई पोहेकॉ विजय नेरकर, पोना.निलेश चौधरी,पोना.उमाकांत पाटील,पो.ना.तुषार पाटील, पोकॉ.प्रशांत परदेशी,पो. कॉ.योगेश माळी,पो. कॉ.सचिन चौधरी,पो. कॉ.प्रशांत सोनार,पोना.दिनेश कापडणे अशांनी मिळून केली
