वरणगाव (प्रतिनिधी) ‘तुमचे पैसे पडले असे सांगत वरणगाव येथील दवाखान्या जवळून १ लाख ३५ हजार रुपयांची रोकड असलेली बॅग घेवून चोरटा पसार झाल्याची घटना १४ जुलै रोजी सकाळी ११ वाजता घडली. या प्रकरणी अज्ञात चोरट्याविरुद्ध वरणगाव पोलिसात गुन्हा दाखल करण्यात आला आहे.
प्रमोद तावडे हे बेंडाळे हॉस्पिटलमधील मेडिकल स्टोअरमध्ये काम करत असून डॉ. एस टी पाटील हे डॉ बेंडाळे डॉक्टरांचे नातेवाईक असल्याने प्रमोद तावडे हॉस्पिटलमध्ये मेडीकल घेवुन आले होते. त्यांच्याकडे डॉक्टरांनी एक लाख ३५ हजार रुपये बँकेत भरणा करण्यासाठी दिले होते. सेन्ट्रल बँकेत गेल्यानंतर स्लीपवर अकाउंट नंबर भरलेला नसल्याने ते परत आल्यानंतर त्यांना दीपेश पाटील यांनी अकाउंट नंबर टाकून दिला.
स्कुटीजवळ एक ३० ते ३५ वयोगटातील व्यक्तीने त्यांना तुमचे पैसे पडले असे सांगून सदर दहा रुपयांच्या नोटा उचलत असतांना कुणीतरी अज्ञात व्यक्तीने स्कुटीस लावलेली रोकड असलेली पिशवी लंपास केली. या प्रकरणी प्रमोद तावडे यांच्या फिर्यादीवरून वरणगाव पोलीस स्टेशनला अज्ञात चोरट्याविरोधात गुन्हा दाखल करण्यात आला आहे.
