सातारा (वृत्तसंस्था) सातारा जिल्हयातल्या जावली तालुक्यातील मेरुलिंग घाटात आज सकाळच्या सुमारास इंडिगो कारच्या झालेल्या भीषण अपघातात ३ जण ठार तर ५ जण जखमी झाले आहेत.
साताऱ्यातील जावली तालुक्यातील मेरुलिंग घाटात हा भीषण अपघात घडला आहे. जावली तालुक्यातील मेरुलिंग घाटात इंडिगो कारचा भीषण अपघात झाला असून त्यात गाडीचा पार चक्काचूर झाला आहे. घाटातील वळणामध्ये अंदाज न आल्याने ही गाडी दरीत कोसळली आणि त्यात तिघांना प्राण गमवावे लागले आहेत. मिळालेल्या माहितीनुसार या भीषण अपघातात ३ जण ठार तर ५ जण जखमी झाले आहे. अशी माहिती समोर येते आहे की, रेशनिंग आणण्यासाठी जात असताना मेरुलिंग घाटातील एका वळणाचा अंदाज न आल्याने गाडी पलटी झाली, त्यातच ही दुर्घटना घडली आहे. याप्रकरणी मेढा पोलीस ठाण्यात अपघाताची नोंद झाली असून पोलीस अधिक तपास करत आहेत.
या अपघातात ५ जण गंभीर जखमी झाले असून त्यांच्यावर मेढा याठिकाणी शासकीय रुग्णालयात उपचार सुरू आहेत. याप्रकरणी मेढा पोलीस ठाण्यात अपघाताची नोंद झाली असून पोलीस अधिक तपास करत आहेत.
