चाळीसगाव (प्रतिनिधी) तालुक्यातील ओझर गावाजवळ असलेल्या पेट्रोल पंपाजवळ सार्वजनिक ठिकाणी कंटेनरमधील ७३ लाख ८७ हजार २०० रुपये किंमतीचा अवैध गुटखा चाळीसगाव पोलिसांनी पकडला. याप्रकरणी चाळीसगाव पोलीस स्थानकात दोघांविरुद्ध गुन्हा दाखल करण्यात आला.
यासंदर्भात अधिक असे की, मध्यप्रदेशातून येणार्या एका कंटेनरमध्ये गुटखा असल्याची गुप्त माहिती पोलीस प्रशासनाला मिळाली होती. या पार्श्वभूमिवर, ओझरजवळ पोलिस पथकाने दि. २२ मे २०२२ रोजी सापळा लावला. त्यानुसार उमर मुहम्मद दिनु मुहम्मद, (उ.व. ४२. रा. बिशमभरा ता. छाता), ईमरान कुशल, उ.व.३२, रा. शाहजाद पुर, ता. छाता जि. मथुरा) यांनी त्यांच्या ताब्यातील तपकीरी रंगाचे टाटा कंपनीचे कंटेनर क्रमांक (एन.एल. ०१ क्यु ४५३५) मधून महाराष्ट्र शासनाने प्रतिबंधीत केलेला मानवी आरोग्यास घातक व अपायकारक असलेला ७३ लाख ८७ हजार २०० रुपये किंमतीचा HK कंपनीचा गुटखा असे प्रतिबंधीत अन्न पदार्थ (तंबाखुजन्य गुटखा) पदार्थाची अवैध वाहतुक करताना मिळून आले. याप्रकरणी पो.ना. दीपक प्रभाकर पाटील यांनी दिलेल्या फिर्यादीवरून चाळीसगाव पोलीस स्थानकात दोघांविरुद्ध गुन्हा दाखल करण्यात आला असून चाळीसगाव शहर पोलिस निरीक्षक के. के. पाटील यांच्या मार्गदर्शनात एपीआय सचिन कापडणीस, सागर ढिकले, दीपक बिरारी, पीएसआय विष्णू आव्हाड, हवालदार राहुल सोनवणे, दीपक पाटील, भूषण पाटील, नीलेश पाटील, महेंद्र पाटील,अमोल पाटील, अमोल भोसले, विनोद पवन पाटील यांच्या पथकाने ही केली. तर पुढील तपास सपोनि सचिन कापडणीस हे करीत आहेत.
