चोपडा (प्रतिनिधी) टीव्ही बघण्याच्या बहाण्याने घरी नेत, एका ५५ वर्षीय नराधमाने अश्लिल चाळे केले. या प्रकरणी चोपडा ग्रामीण पोलीस ठाण्यात पिडीत मुलीच्या वडिलांच्या फिर्यादिवरून गुन्हा दाखल करण्यात आला आहे. पोलिसांनी तात्काळ आरोपीला अटक केली आहे.
चोपडा तालुक्यातील एका गावातील संशयित आरोपी अशोक देवराम पाटील (वय ५५ वर्ष) या नराधामाने काल रात्री ९ वाजेचा सुमारास ७ वर्षीय बालिकेला टीव्ही बघण्याचे आमिष दाखवत घरात घेऊन जाऊन अश्लिल कृत्य केले. या प्रकरणी चोपडा ग्रामीण पोलीस ठाण्यात पिडीतेच्या वडिलांच्या फिर्यादीवरून भांदवी कलम ३५४, ३५४ (अ), या सह बाल लैंगिग अत्याचार कायदा कलम २०१२ चे कलम ८, १२ व अनुसूचित जाती आणि अनुसूचित जमाती अत्याचार प्रतिबंधक कायदा, 1989 सुधारित अधिनियम सन २००५ च्या कायद्यानुसार गुन्हा दाखल करण्यात आला आहे. पुढील तपास उपविभागीय पोलीस अधिकारी सुनिल नंदवाळकर यांच्या मार्गदर्शनात चोपडा पोलीस निरीक्षक के.के.पाटील, चोपडा ग्रामीणचे सहायक पोलिस नरीक्षक एस.एल. नितनवरे हे करीत आहेत.
