अमळनेर(प्रतिनिधी) : तालुक्यातील शिरुड येथील शाळेच्या कर्मचाऱ्यास आत्महत्येस प्रवृत्त केल्याप्रकरणी संस्थाचालकांसह ११ जणांविरुद्ध गुन्हा दाखल करण्यात आला आहे.
तुषार भाऊराव देवरे (रा. सारबेटे) हे सन २०१३ मध्ये ग्रामविकास शिक्षण मंडळ मुडी या संस्थेच्या सारबेटे येथील सार्वजनिक विद्यालयात अनुकंपा तत्वावर नोकरीला लागले होते. नंतर त्यांची संस्थेच्या शिरुड येथील हायस्कूलमध्ये बदली करण्यात आली. बदली रद्द करण्यासाठी संस्थेच्या संचालकांनी १० लाख रुपये देणगी मागितली. त्यात तुषार याने दोन लाख भरले.
तरीही संचालकांनी उर्वरित तीन चिठ्ठया पैश्यांसाठी त्यांनी तगादा लावला. तसेच दोन कर्मचाऱ्यांनी पैशांसाठी तगादा लावला. यास कंटाळून तुषार याने ११ रोजी रेल्वेखाली आत्महत्या केली. तुषार याने आत्महत्येस संचालक जबाबदार असल्याबाबत तीन चिठ्या लिहून ठेवल्या होत्या. याबाबत तुषार याची पत्नी प्रतीक्षा हिच्या फिर्यादीवरून ११ जणाविरुद्ध आत्महत्येस प्रवृत्त केल्याचा गुन्हा दाखल करण्यात आला आहे.
आरोपी : संचालक रमेश विनायक पाटील, सचिव सुनील पंढरीनाथ पाटील (नाशिक), प्र. अध्यक्ष पंजाबराव पांडुरंग पाटील, संचालक जयवंतराव अमृतराव पाटील (शिरुड), कमलाकर विनेश पाटील, दीपक चंदन पाटील, शालेय समिती सदस्य शशिकांत रघुनाथ पाटील, कर्मचारी दिनेश वसंत पाटील, निवृत्त मुख्याध्यापक अनिल लोटन पाटील, सचिन संजीव काटे, शरद दयाराम शिंदे.
तुषार यास संस्थेने कायम केले होते. त्याचा पगार नियमित निघत होता. तरीही तो अनियमित येत होता. त्याने केलेले आरोप खोटे आहेत. – कमलाकर पाटील, संचालक.
