जळगाव (प्रतिनिधी) – मित्राच्या घरुन जेवण करुन निघालेल्या तरुणाला तू आयुष व पियुष मणियार यांना शिवीगाळ करा करतो. असे म्हणत तिघांनी आकाश प्रकाश सिंदवाणी (वय २८, रा. सिंधी कॉलनी, टीएमसीनगर) या तरुणाला मारहाण केली. तसेच त्याचे दोघ पाय पकडून रस्त्यावर ओढत नेल्याने तो तरुण गंभीर जखमी झाला. ही घटना दि. १४ मार्च रोजी रात्री सव्वातीन वाजेच्या सुमारास डी-मार्ट परिसरात घडली. याप्रकरणी तिघांविरुद्ध रामानंद नगर पोलिस ठाण्यात गुन्हा दाखल करण्यात आला आहे.
शहरातील सिंधी कॉलनीतील टीएमसी नगरात आकाश सिंदवाणी हा तरुण वास्तव्यास असून त्याचा मोबाईल रिपेअरिंगचा व्यवसाय आहे. दि. १४ मार्च रोजी रात्री सव्वा तीन वाजेच्या सुमारास आकाश हा त्याचा मित्र विक्की जसणानी याच्या घरी जेवण करुन दुचाकीने घराकडे जाण्यासाठी निघाला. डी-मार्टजवळ तो लघवी करण्यासाठी थांबला असता, तितक्यात त्याचे मित्र विशाल पाटील, राहूल उर्फ आरसी चौधरी व बबल्या नामक व्यक्ती तेथे आले. त्यांनी आकाशला तू आयुष मणियार व पियुष मणियार यांना शिवीगाळ का करतो, असे म्हणत त्या तिघांनी शिवीगाळ करीत आकाशला बेदम मारहाण केली.
दोन्ही पाय पकडून नेले ओढत
मारहाण केल्यामुळे आकाश हा रस्त्यावर कोसळल्याने त्या तिघांनी आकाशचे दोघ पाय पकडून त्याला रस्त्यावर ओढत नेले. त्यामुळे त्याच्या शरिरावर खर्चटल्याच्या खूणा असून त्याच्या बोटाला देखील गंभीर दुखापत पोलिसांकडून पुन्हा उपचार घेण्याचा सल्ला
सुरुवातीला जखमी झालेल्या आकाशने खासगी रुग्णालयात उपचार घेवून तो तक्रार देण्याकरीता रामानंद नगर पोलिस ठाण्यात दाखल झाला. परंतू पोलिसांनी त्याला जिल्हा रुग्णालयात उपचारार्थ दाखल होण्याचा सल्ला दिला. त्यानुसार आकाश हा जिल्हा रुग्णालयात उपचारार्थ दाखल झाला. झाली आहे.
तक्रार केल्यास संपवून टाकू
मारहाण करणाऱ्यांच्या तावडीतून स्वतःची सुटका करुन घेत, आकाश सिंदवाणी हा दुचाकीने घरी परतला. थोड्याच वेळात मारहाण करणारे तिघ हे त्याच्या घरासमोरील अंगणात उभे राहून त्यांनी तू जर आमच्या विरोधात कुठे तक्रार केली, तर तुला संपवून टाकू अशी धमकी देखील दिली.
तक्रार घेण्यासाठी केला जात होता विलंब
जिल्हा रुग्णालयात उपचार घेतल्यानंतर तो तक्रार देण्याकरीता पुन्हा पोलीस ठाण्यात आला असता, पोलिसांनी घटनेची खात्री करण्यासाठी काही पोलिसांना पाठविले. पोलिसांकडून तक्रार घेण्यास टाळाटाळ होत असल्याचे लक्षात येताच जखमी सोबत असलेल्या त्याच्या नातेवाईकांनी संताप व्यक्त करीत आक्रमक झाले. त्यानंतर पोलिसांनी जखमीची तक्रार घेत मारहाण करणारे तिघ संशयित विशाल पाटील, राहूल उर्फ आरसी चौधरी व बबल्या तिघांविरुद्ध गुन्हा दाखल करण्यात आला आहे. तपास सपोनि भूषण कोते हे करीत आहे.
