एरंडोल (प्रतिनिधी) शहरातील शासकीय रेस्टहाऊस जवळील कुडाचे घर तोडून अज्ञात चोरट्यांनी घरतील सोन्याच्या दागिन्यांसह रोकड लांबवली. याप्रकरणी एरंडोल पोलिस ठाण्यात घरफोडीचा गुन्हा दाखल करण्यात आला आहे.
या संदर्भात अधिक असे की, शहरातील शासकीय रेस्टहाऊस जवळ प्रताप बारेला (वय ४०, ) यांचे कुडाचे घर आहे. दि.२४ नोव्हेंबर रोजी दुपारी ३ वाजेच्या सुमारास अज्ञात चोरट्यांनी कुडाचे घर तोडून आत प्रवेश केला. यानंतर घरातील २ लाख ३४ हजार ६०० रुपये किंमतीचे सोने-चांदीचे दागिने तसेच ९० हजाराची रोकड असा एकूण ३ लाख २४ हजार ६०० रुपयाचा एकूण मुद्देमाल लंपास केला आहे. याप्रकरणी अज्ञात चोरट्याविरुद्ध गुन्हा दाखल करण्यात आला असून पुढील तपास सपोनि गणेश अहिरे हे करीत आहेत.
