धरणगाव (प्रतिनिधी) संशयित आरोपी पत्नीला अटक ; पोलीस तपासात दिली गुन्ह्याची कबुली !शेतातील मंदिरात पाया पडण्याच्या बहाण्याने अपंग पतीला शेतात नेत त्याला विहिरीत ढकलून पत्नीनेच खून केल्याची खळबळजनक घटना दि. १२ जून रोजी धरणगाव तालुक्यातील भवरखेडा येथे घडली आहे. प्रकाश यादव धोबी (सुर्यवंशी) वय ३६ वर्ष रा. भवरखेडा ता. धरणगाव), असे मयताचे नाव आहे. या प्रकरणी धरणगाव पोलिसात संशयित आरोपी पत्नीविरुद्ध गुन्हा दाखल करण्यात आला आहे.
या प्रकरणी अर्जुन शिवाजी धोबी (रा. भवरखेडा) यांनी फिर्याद दिली आहे. त्यानुसार दि. २ जून रोजी दुपारी १ ते ३ वाजेच्या दरम्यान, संशयित आरोपी पत्नी ज्योती प्रकाश धोबी हिने पती प्रकाश धोबी यांना तिच्या मार्गातील अडथळा दुर करण्याच्या उद्देशाने गोविंदा शालिक पाटील यांच्या शेतातील मुंजोबाचे मंदिरात पाया पडण्याच्या बहाण्याने शेतात घेनेले. नंतर पतीचा अपंगत्वाचा फायदा घेवुन त्याला विहिरीत ढकलुन देवून मारुन टाकले. या प्रकरणी धरणगाव पोलिसात संशयित आरोपी पत्नीविरुद्ध गुन्हा दाखल करण्यात आला असून पुढील तपास पोलीस निरीक्षक उद्धव ढमाले हे करीत आहेत.
शेतात भांडण झाल्यानंतर केला गेम !
दोघं पती पत्नी शेतात गेल्यावर दोघांमध्ये मोबाईलवर बोलण्यावरून वादाला सुरुवात झाली. यानंतर पती प्रकाश याने पत्नी ज्योतीच्या कानशिलात लगावली. यानंतर विहिरी शेजारी उभ्या असलेल्या पतीला ज्योतीने विहिरीत ढकलून दिले.
