बोदवड (प्रतिनिधी) शहरालगतच्या हनुमान घाटी मागील धोबी घाटाजवळील अनिल खंडेलवाल यांच्या शेतात बिबट्याने दोन रानडुक्कराची शिकार केल्याचे समोर आहे.
याबाबत माहिती अशी की, अनिल खंडेलवाल यांच्या शेतात कसनारे सुपडू माधव बडगुजर व शेजारील शेतकरी मनोहर गंगतिरे, रखवालदार अनिल मोरे व आतिष मोरे यांनी आज दुपारी 2 वाजता अर्धवट खालेले दोन रानडुक्कर आढळून आले. जवळ जाऊन शेतकऱ्यांनी पाहीले असता आणि आजूबाजूला शोध घेतला असता कडू लिंबाच्या झाडावर बिबट्या दिसला. यामुळे घाबरून सर्व शेतकरी घरी निघून आले आणि सदर प्रकार माजी गटनेते देवा खेवलकर शेजारील शेतकरी शांताराम गंगतिरे यांना सांगितले. त्यानंतर खेवलकर यांनी वनविभागाचे कर्मचारी मनोज वंजारी व श्रीकांत कोळी यांना भ्रमणध्वनीवरून माहिती दिली.
वनविभागाच्या कर्मचाऱ्यांनी घटनास्थळी शेताची पाहणी केली व शेतकऱ्यांना सतर्क राहण्यास सांगितले. तसेच शेतामध्ये कामास जाताना एकटे न जाता चारपाच जण मिळून शेतात जावे आणि अंधार होण्याच्या आत घरी परतावे. तसेच इतरत्र परिसरात बिबट्या दिसल्यास वनविभागाकडे संपर्क करावा,असेही आवाहन करण्यात आले आहे. याआधी काही दिवसांपूर्वी मनूर बु।। शिवारात सुद्धा बिबट्या दिसला दिसला होता तिथे त्याने कुत्र्यांची शिकार केली होती.
