कर्नाटक (वृत्तसंस्था) कर्नाटकमधील शिवमोगा जिल्ह्यात जिलेटीनचा प्रचंड मोठा स्फोट झाला आहे. या भीषण स्फोटात ८ जण जागीच ठार झाले आहे. तर अनेक जखमी झाले आहे. एका ट्रकमध्ये हा स्फोट झाल्याची माहिती समोर आली आहे. या स्फोटाचे तब्बल ५० किलोमीटर पर्यंत धक्के बसले. शेकडो घरांच्या काचा आणि दरवाजे फुटले आहे. तसेच मृतांचा आकडा आणखी वाढण्याची भीती व्यक्त होत आहे.
कर्नाटकची राजधानी बंगळुरूपासून ३५० किमी दूर असलेल्या शिवमोगा जिल्ह्यातील होनसोडू गावाजवळ गुरुवारी रात्री उशिरा ही घटना घडली आहे. एका जिलेटीन कांड्याने भरलेल्या ट्रकमध्ये आणण्यात येत होता. एका खाणीमध्ये उत्खननादरम्यान स्फोटासाठी हा साठा मागवण्यात आला होता. परंतु, गुरुवारी रात्री १०.३० वाजेच्या सुमारास भीषण स्फोट झाला. दुर्घटना घडली त्या खाणीत पोलिसांना अजून जाता आलेले नाही. घटनास्थळावरुन जी माहिती मिळतेय, त्यानुसार ट्रकमध्ये जिलेटीनच्या कांड्या किंवा खाणीत दगड फोडण्यासाठी लागणारे साहित्य भरलेले होते. दुर्घटनेच्यावेळी ट्रक एका जागी उभा होता व मजूर विश्रांती घेत होते. दगड खाणीमध्ये झालेला हा स्फोट इतका शक्तीशाली होता की, ३० किलोमीटरच्या परिसरातील अनेक खिडक्यांच्या काचा फुटल्या व इमारतींचे नुकसान झाले.
शिवमोगामधील या घटनेबद्दल पंतप्रधान नरेंद्र मोदींनी दु:ख व्यक्त केले आहे. जखमींच्या प्रकृतीत लवकरात लवकर सुधारणा व्हावी, अशी प्रार्थना केली आहे स्फोटाची झळ बसलेल्या सर्वांना राज्य सरकार सर्व आवश्यक सहकार्य करत आहे असे पंतप्रधान मोदींनी आपल्या टि्वटमध्ये म्हटले आहे.
