नांदेड ता. धरणगाव (प्रतिनिधी) नांदेड ते धूरखेडे चार किलोमीटर रस्त्यासाठी पालकमंत्री गुलाबरावजी पाटील यांना गावातील नागरिकांनी नुकतेच निवेदन दिले. यावेळी नांदेड गावातील अनेक तरुणांनी शिवसेनेत प्रवेश केला आहे.
रस्त्यासाठी पालकमंत्री गुलाबरावजी पाटील यांना नांदेड ते धूरखेडे या चार किलोमीटर रस्त्यासाठी युवासेना व नांदेड गावातील नागरिकांनी निवेदन दिले. यापूर्वी रस्ता कधीच झालेला नाही. त्यामुळे अनेक अडचणींना नागरिकांना, शेतकऱ्यांना सामोरे जावे लागत आहेत. तसेच हा रस्ता झाला तर नांदेड गावातील अनेक लोकांचे रोजगाराचे प्रश्न कायमचे सुटतील. यासाठीच युवासेनेचे उपतालुकाध्यक्ष भरत सैंदाणे, मागासवर्गीय सेनेचे विभाग प्रमुख संजय मोरे, मागासवर्गीय शाखाध्यक्ष ज्ञानेश्वर कोळी, युवा सेना शाखा अध्यक्ष गोकुळ सैंदाणे, उपशाखा अध्यक्ष लखीचंद सैंदाणे, शेतकरी सेनेचे उपशाखा अध्यक्ष दत्तू कोळी, भटू सैंदाणे, अजीम मणियार, रमेश कोळी, रघुनाथ कोळी, दगा कोडी, दिलीप कोळी, प्रकाश भोई, बाळू कोळी यांच्यासह नांदेड गावातील सत्संगी मंडळ आणि असंख्य कार्यकर्ते उपस्थित होते. यावेळी अनेक कार्यकर्त्यांच्या पक्षप्रवेश सुद्धा झाला.
