जळगाव (प्रतिनिधी) राष्ट्रीय महामार्गावर अज्ञात वाहनाच्या धडकेत दुचाकीस्वार जागीच ठार झाल्याची घटना कवयत्री बहिणाबाई चौधरी उत्तरमहाराष्ट्र विद्यापिठाच्या मुख्य प्रवेशद्वारा समोर घडली. सोपान सुभाष शिरसाठ (वय-२६) असे मयत तरुणाचे नाव असुन जिल्हा पेठ पोलीस ठाण्यात अकस्मात मृत्यूची नोंद करण्यात आली आहे.
राष्ट्रीय महामार्गावर कवयत्री बहिणाबाई चौधरी उत्तरमहाराष्ट्र विद्यापिठाच्या मुख्य प्रवेशद्वारा समोर सुसाट वाहनाने दुचाकीस्वारास धडक दिल्याने त्याचा जागीच मृत्यु झाला. सोपान सुभाष शिरसाठ (वय-२६) असे मयत तरुणाचे नाव असुन पेालिसात अपघाताची नोंद करण्यात आली आहे.
याबाबत वृत्त असे की, सोपान सुभाष शिरसाठ (वय-२५) रा. कुसुंबा ता. चोपडा ह.मु. देवगाव ता.जि.जळगाव हा तरूण आपल्या आईवडीलांसह राहतो. शेतीकाम करून कुटुंबियाचा उदरनिर्वाह करतो. आज बामणोद ता. यावल येथे सोपानच्या चुलत मामाचा साखरपुडा होता. आई जनाबाई ह्या आजारी असल्यामुळे सोपान शिरसाठ हा साखरपुड्याला जाण्यासाठी दुचाकी (क्रमांक एमएच १९ डीएम ६६५३)ने सकाळी घरून निघाला. मात्र, सोपान हा साखर पुड्याला न जाता जळगावातील पाळधी येथे मामा वासुदेव नामदेव सोनवणे यांच्या ढाब्यावर आला. त्याठिकाणी मामा भेटले नाही म्हणून सोपान दुचाकीने देवगाव येथे जाण्यासाठी निघाला. कवयित्री बहिणाबाई चौधरी विद्यापीठाच्या मुख्यप्रवेशद्वाराजवळून दुपारी ४ वाजेच्या सुमारास जात असतांना अज्ञात वाहनाने जोरदार धडक दिली. त्यात सोपान जागीच ठार झाला. याप्रकरणी जिल्हा पेठ पोलीस ठाण्यात अकस्मात मृत्यूची नोंद करण्यात आली आहे.
