नाशिक (वृत्तसंस्था) मेडिकल स्टोअरमधून चॉकलेट खरेदीचा बहाणा करीत भामट्यांनी महिलेच्या गळ्यातील मंगळसूत्र ओरबाडून नेले. ही घटना गोविंदनगर भागात घडली. या घटनेत ९० हजार रूपये किमतीच्या मंगळसुत्रावर भामट्यांनी डल्ला मारला. याप्रकरणी मुंबईनाका पोलीस ठाण्यात जबरीचोरीचा गुन्हा दाखल करण्यात आला आहे.
वैशाली सतिष अमृतकार (रा. गोविंदनगर) यांनी याबाबत फिर्याद दिली आहे, अमृतकार यांचे गोविंदनगर येथील प्रकाश पेट्रोल पंप परिसरात मेडिकल स्टोअर आहे. शुक्रवारी (दि.९) रात्री त्या आपल्या दुकानाता असताना ही घटना घडली. दुचाकीवर आलेल्या भामट्यांपैकी एकाने चॉकलेट व व्हेपर्स खरेदीचा बहाणा करीत त्यांच्या गळ्यातील ९० हजार रूपये किमतीचे मंगळसूत्र हिसकावून दोघांनी न्यु इरा स्कूलच्या दिशेने पोबारा केला. अधिक तपास उपनिरीक्षक गाडे करीत आहेत.
