पाचोरा (प्रतिनिधी) शहरातील भडगाव रोडवरील कैलादेवी मंदिराजवळील दांडीया, गरबा जल्लोष कार्यक्रमात २७ वर्षीय युवकाचा दांडिया खेळतांना हृदयविकाराने मृत्यू झाल्याची धक्कादायक घटना घडली आहे.
शहरातील भडगाव रोडवरील कैलादेवी मंदिराजवळील दांडीया, गरबा जल्लोष कार्यक्रमात सिंधी – कॉलनीतील रहिवासी असलेले लखन प्रेमलाल वाधवानी (२६) – हे दांडिया खेळत असतांनाच त्यांची प्रकृती बिघडली. त्यामुळे त्यांना तत्काळ विघ्नहर्ता हॉस्पिटलमध्ये उपचारासाठी दाखल केले. या वेळी डॉ. भूषण मगर यांच्यासह वैद्यकीय पथकाने शर्थीचे प्रयत्न करुन ही त्यांना यश मिळाले नाही. या घटनेची माहिती शहरात वाऱ्यासारखी पसरल्यानंतर सर्वांनी हॉस्पिटलकडे धाव घेतली. तर काँग्रेसचे तालुकाध्यक्ष सचिन सोमवंशी यांनीही तत्काळ भेट दिली. लखन वाधवानी हा दांडीया प्रेमींमध्ये प्रसिद्ध होता. दरवर्षी दांडीया किंगाचा तो मानकरी ठरत असे. त्याच्या कुटुंबीयांची आर्थिक स्थिती नाजुक आहे. तर लखन हा तयांचा एकुलता एक मुलगा व घरातील कर्ता होता. चाळीसगाव येथील एका खासगी पेट्रोल पंपावर तो कामाला होता.
