जळगाव (प्रतिनिधी) जेनेरिकार्ट मेडिसिन प्रा.लि. ही कंपनी जेनेरिक व्यवसायातील एक अग्रगण्य कंपनी आहे. या कंपनीने नवीन अँप्लीकेशन लाँच करून जास्तीत जास्त रुग्णांना मेडीसीनची सुविधा घरपोच मिळावी याकरिता १ मे महाराष्ट्र दिनानिमित्ताचे औचित्य साधून सेवेचा शुभारंभ आ. सुरेश भोळे (राजूमामा) यांच्या हस्ते नुकताच करण्यात आला.
आ. सुरेश भोळे (राजूमामा) यांनी विनोद व्यास जिल्हा प्रमुख मेडिसिन अँप यांना शुभेच्छा दिल्या. ह्या अँपचे फायदे आपल्या जवळचे जेनेरिकार्ट स्टोअर, जेनेरिकार्टच्या औषधामुळे होणारी मासिक बचत जाणून घ्या, दैनंदिन औषधांचा रिमाइंडर सेट करा, जेनेरिकार्ट मेडिसिन मोबाईल हे फायदे आहेत. ह्या प्रसंगी जळगाव महानगर जिल्हाध्यक्ष दिपक सूर्यवंशी नगरसेविका उज्वला बेंडाळे, गायत्री राणे, कुमार सिरामे, मंडल अध्यक्ष अजित राणे, जिल्हा प्रसिद्धी मनोज भांडारकर आदी कार्यकर्ते उपस्थित होते.
भाजपा जेष्ठ नेते स्व. प्रमोद महाजन यांच्या स्मृतिदिनानिमित्त आज दि. ३ मे रोजी भाजपा कार्यालय वसंतस्मृति बळीराम पेठ येथे स्व. प्रमोद यांच्या प्रतिमेचे पूजन भाजपा जिल्हा अध्यक्ष आ. सुरेश भोळे (राजूमामा) व महानगर जिल्हाध्यक्ष दिपक सुर्यवंशी यांच्या हस्ते करण्यात आले. याप्रसंगी जेष्ठ कार्यकर्ते सुभाष तात्या शौचे यांनी प्रमोदजीच्या कार्याचा उजाळा दिला.
याप्रसंगी जिल्हा सरचिटणीस विशाल त्रिपाठी, प्रदेश महिला उपाध्यक्षा उज्वलाताई बेंडाळे, जिल्हा पदाधिकारी सुशील हासवाणी, प्रकाश पंडित, मंडल अध्यक्ष संजय लुल्ला, गणेश माळी, गणेश वाणी, अनिल जोशी, प्रमोद वाणी, शोभाताई कुलकर्णी आदी कार्यकर्ते उपस्थित होते.
