जळगाव प्रतिनिधी । जळगाव शहरातील पिंप्राळा परिसरात हातात कोयता घेवून दहशत माजविणाऱ्या तरूणावर रामानंद नगर पोलीसांनी कारवाई केली आहे. याप्रकरणी रामानंद नगर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, जळगाव शहरातील पिंप्राळा परिसरातील सोमानी मार्केट जवळ संशयित आरोपी अक्षय उर्फ गंप्या नारायण राठोड वय २५ रा. यश नगर, जळगाव हा हातात लोखंडी कोयता घेवून दहशत माजवित असल्याची गोपनिय माहिती रामानंद नगर पोलीस ठाण्याचे पोलीस निरीक्षक राजेंद्र कुटे यांना मिळाली. त्यानुसार त्यांनी पथकाला कारवाईच्या सुचना दिल्या. पोलीस पथकाने मंगळवारी २३ जुलै रोजी दुपारी साडेचार वाजता संशयित आरोपी अक्षय उर्फ गंप्या राठोड याच्यावर कारवाई केली. त्यांच्याकडून लोखंडी कोयता हस्तगत केला आहे. याबाबत पोलीस कॉन्स्टेबल उमेश पवार यांनी दिलेल्या फिर्यादीवरून रामानंद नगर पोलीस ठाण्यात गुन्हा दाखल करण्यात आला आहे. पुढील तपास स.फौ. संजय सपकाळे हे करीत आहे.
