जळगाव (प्रतिनिधी) वेगवेगळ्या प्रकारचे गंभीर गुन्हे दाखल असलेल्या ईश्वर कॉलनीतील ललित उमाकांत दीक्षित (वय २४) यास ‘एमपीडीए’अंतर्गत स्थानबद्ध करण्याचे आदेश जिल्हाधिकारी आयुष प्रसाद यांनी दिले आहेत.
एमआयडीसी पोलिस ठाण्याच्या हद्दीत ईश्वर कॉलनीतील ललित दीक्षित याच्यावर एमआयडीसी पोलिस ठाण्यात वेगवेगळ्या स्वरूपाचे ०८ गुन्हे होते. तसेच याआधी त्याच्यावर चार वेळा प्रतिबंधात्मक कारवाई करण्यात आली आहे, तरीही त्याच्यात कोणतीही सुधारणा होत नव्हती. त्या अनुषंगाने एमआयडीसी पोलिस ठाण्याचे पोलिस निरीक्षक जयपाल हिरे यांनी एमपीडीएअंतर्गत कारवाईचा प्रस्ताव एलसीबीकडे पाठविला होता.
एलसीबीने याबाबत कामकाज करत जिल्हा पोलिस अधीक्षक एम. राजकुमार यांच्याकडे पाठविला. त्यानुसार जिल्हाधिकारी आयुष प्रसाद यांनी ललित दीक्षित याला स्थानबद्ध करण्याचे आदेश दिले. त्याला नागपूर मध्यवर्ती कारागृहात स्थानबद्ध केल्याची माहिती जळगाव स्थानिक गुन्हे शाखेचे वरिष्ठ पोलिस निरीक्षक किसन नजन पाटील यांनी दिली.
एमआयडीसी पो.स्टे.चे पोलीस निरीक्षक जयपाल हिरे, पोउनि. दत्तात्रय पोटे, सफौ/अतुल वंजारी, पो.ना. सचिन पाटील, योगेश बारी, किशोर पाटील, छगन तायडे, किरण पाटील, साईनाथ मुंडे, राहुल रगडे, विशाल कोळी अशांनी ललित दीक्षितला १२ डिसेंबर रोजी ताब्यात घेवून मध्यवर्ती कारागृह, नागपूर जि. नागपूर येथे दाखल केले आहे.
एमआयडीसी पो. स्टे. कडील एमपीडीए प्रस्ताव पोलीस अधीक्षक एम. राज कुमार, अपर पोलीस अधीक्षक अशोक नखाणे, उपविभागीय पोलीस अधिकारी संदिप गावीत यांच्या मार्गदर्शनाखाली ललित दीक्षित याच्याविरुद्धचा एमपीडीएचा प्रस्त्बा तयार करण्यात आला होता.
तर सादर एमपीडीए प्रस्ताव पोलीस अधीक्षक एम. राज कुमार यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक किसन नजनपाटील यांच्यासह त्यांच्या अधिनस्त सफौ/युनूस शेख इब्राहिम, पोहेकॉ सुनिल पंडीत दामोदरे, पोहेकॉ जयंत भानुदास चौधरी, पोका ईश्वर पंडीत पाटील अशांनी काम पाहिले आहे.
