मुंबई (वृत्तसंस्था) मनसे नेते संतोष धुरी यांनी वरळीतळ्या एका पबमधला एक व्हीडिओ सोशल मीडियावर शेअर केला आहे. आदित्य ठाकरे यांच्या मतदारसंघातच रात्री उशिरापर्यंत पब आणि हॉटेल चालत आहेत. नियमांचं उल्लंघन केलं केलं जातंय. त्यामुळे वरळी महाराष्ट्राच्या बाहेर आहे का? असा सवाल धुरी यांनी उपस्थित केला होता. यानंतर पर्यटनमंत्री आणि वरळीचे आमदार आदित्य ठाकरे यांनी वरळीतल्या पबवर एफआयआर दाखल करणार असल्याची माहिती दिली आहे.
पर्यटन आणि पर्यावरणमंत्री आदित्य ठाकरे यांच्या वरळी मतदारसंघात मुख्यमंत्र्यांच्या आवाहनाला केराची टोपली दाखवली गेल्याचं समोर आलं होतं. वरळीतील नाईट क्लबमध्ये तुफान गर्दीमध्ये कोरोनाचे सर्व नियम धुडकावत जोरदार पार्टीच आयोजन केले होते. वरळीतील कमला मिलमधील सर्व पब मध्ये गर्दी झाली होती. तेथील ट्विस्ट या पबमध्ये तुफान गर्दी झाल्याची बातमी होती. आदित्य ठाकरे, महापौर किशोरी पेडणेकर यांच्या मतदार संघात कोरोनाचे सर्व नियम धाब्यावर बसवले गेल्यानं विरोधकांकडून टीकास्त्र सोडलं गेले होते. त्यानंतर वरळीतील पब आणि बारमध्ये कोरोना नियमांचे उल्लंघन झाले असल्यानं त्याची माहिती घेऊन कारवाई करणार असल्याची घोषणा आदित्य ठाकरेंनी केली आहे. वरळीत घडलेल्या प्रकाराची माहिती घेणार असल्याचंही त्यांनी स्पष्ट केले.
वरळी इथल्या कमला मिल कंपाउंड मध्ये YOUNION पबमध्ये गर्दीचा एक व्हिडीओ मनसे च्या संतोष धुरी यांनी सोशल मीडियावर व्हायरल केला आहे. आदित्य ठाकरे यांच्या मतदार संघातच अशा प्रकारे रात्री उशीरापर्यंत पब, हॅाटेल चालतात जिथं गर्दी होते आणि कोविड नियंमांच पालन केलं जात नाही, असा आरोप देखील संतोष धुरींनी केला आहे. याच व्हीडिओवरुन भाजपनं पर्यावरण मंत्री आणि वरळीचे आमदार आदित्य ठाकरे यांना लक्ष्य केलंय. वरळीत कोरोना काळात नाईट लाईफसाठी सोशल डिस्टन्सिंगचे नियम लागू होत नाही का असा सवाल विरोधी पक्षनेते देवेंद्र फडणवीस यांनी देखील उपस्थित केला होता.
अस्लम शेख यांचे कारवाईचे निर्देश
पब असुद्या किंवा रेस्टॉरंट किंवा लोक असतील ज्यांनी मास्क नाही तर कारवाई करण्यात आली आहे. काही पबच्या व्हिडीओ मिळाल्यावर कायदेशीर कारवाई केली जाईल. वेळ पडलीच तर त्यांचा परवाना रद्द केला जाईल, असंही अस्लम शेख म्हणाले. प्राथमिक कारवाई झाली आणि ते रेस्टॉरंट किंवा पब ऐकत नसतील तर सील करून परवाना रद्द केला जाईल, असंही ते म्हणाले.
