अकोला (वृत्तसंस्था) सोशल मीडियावर सध्या एका तरुणाला मारहाण करणारा व्हिडीओ प्रचंड व्हायरल होत आहे. या व्हायरल व्हिडीओमध्ये मुलीला चार वेळा बघण्याचा कार्यक्रम झाला होता. त्यानंतर साखर पुडाही झाला. मात्र नवरदेवाने नवरीच्या डोळ्यात दोष असल्याचं कारण देत लग्न न करण्याची भाषा वापरू लागला. यानंतर मुलीच्या कुटुंबाला मनस्ताप दिल्यावर पाचव्यांदा मुलीत दोष दाखवणाऱ्या नवऱ्या मुलाला कपडे घेण्याच्या बहाण्याने बोलावून वधूपक्षाने बंद खोलीत चांगलंच धुतलं.
संतापलेल्या वधूपक्षाने नवरदेवाला बंद खोलीत चांगलाच चोप दिला. खापरखेडाच्या नवऱ्या मुलासह त्यांच्या नातेवाईकांचाही ‘पाहुणचार’ घेण्यात आला. ही घटना आकोल्याची असून गेल्या दोन दिवसांपासून घटनेचा व्हिडीओ सध्या व्हायरल होत आहे. चार वेळा मुलगी बघायचा कार्यक्रम झाला आणि साखरपुडा आणि शिदोरी झाली, तेव्हा काय या लोकांनी डोळ्यावर पट्ट्या बांधल्या होत्या काय? असा प्रश्न विचारण्यात आला. हुंड्यासाठी हे सगळं केलं असावं असा संशय अनेकांना आला म्हणून मुलीकडच्यांनी त्याला अद्दल घडवायचं ठरवलं.
या कार्यक्रमात एका व्यक्तीनं हा संपूर्ण प्रकार कॅमेरात कैद केला आणि त्यानंतर हा व्हिडीओ तुफान व्हायरल झाला. मध्यस्थामार्फत पुन्हा पाहणी आणि कपडे घेण्यासाठी मुलाला बोलावून घेण्यात आले. बंद खोलीत त्याची धुलाई करुन चांगलाच पाहुणचार करण्यात आला. मात्र व्हिडीओ चांगलाच व्हायरल झाला.
