धरणगाव (प्रतिनिधी) येथील माऊली वारकरी शिक्षण संस्थेच्या वतीने अनेक वर्षापासून सद्गुरु जोग महाराज पुण्यतिथी निमित्तअखंड कीर्तन हरिनाम कीर्तन सप्ताह व ग्रंथराज श्री ज्ञानेश्वरी पारायण आयोजन करण्यात येत असते.
या मान्यवरांचे होणार कीर्तन !
यंदा देखील ३० जानेवारीपासून होणार असून या कीर्तन सप्ताहामध्ये महाराष्ट्रातील नामांकित महामंडलेश्वर सर्व ह.भ.प. अनंतदासजी महाराज ककजवाडेकर, श्रावणजी महाराज कुकाणेकर (मालेगांव), युवाचार्य संतोषजी महाराज आढावणेकर, महंत समाधानजी महाराज भोजेकर, अमृतदासजी महाराज जोशी (अमृताश्रम स्वामी) बीड, ररामायणाचार्य ज्ञानेश्वरजी महाराज आळंदीकर, महंत महादेवजी महाराज गीरी (जालणेकर), अनुक्रमे या महाराजांचे कीर्तन होणार असून ६ फेब्रुवारी रोजी सकाळी ९ ते ११ गोप्रेमी गजाननजी महाराज वरसाळेकर यांचे काल्याचे किर्तन होऊन महाप्रसादाने सदर सप्ताहाची समाप्ती होणार आहे.
संकीर्तन सप्तहात विविध धार्मिक कार्यक्रमांची रेलचेल ; उपस्थितीचे आवाहन !
सदर सकीर्तन हरिनाम सप्ताहामध्ये विविध कार्यक्रमांची रेलचेल असून त्यामध्ये दैनंदिन कार्यक्रमात पहाटे ५ वाजता पांडुरंगाचा काकडा, सकाळी ८ ते ११ व दुपारी ३ ते ५ ग्रंथराज ज्ञानेश्वरी पारायण होणार असून ज्ञानेश्वरी ग्रंथ वाचन ह. भ. प. आर. डी. महाजन धरणगावकर ह. भ. प. भानुदास महाराज औरंगपूरकर ह. भ. प. मधुकर महाराज पष्टानेकर ह. भ. प. राहुल महाराज दोनगावकर हे महाराज करणार आहेत. संध्या. ५ वाजता सामुदायिक हरिपाठ, रात्री ८ वाजता हरीकीर्तन आणि भजनी जागर हे कार्यक्रम होतीत. या सर्व कार्यक्रमास भाविकांनी मोठ्या संख्येने उपस्थिती देऊन लाभ घ्यावा असे आवाहन माऊली वारकरी शिक्षण संस्थेचे अध्यक्ष महामंडलेश्वर ह. भ. प. भगवानदासजी महाराज यांनी केले आहे समाप्तीच्या अन्नदानासाठी पालकमंत्री गुलाबराव पाटील यांनी तीन लाखाचे भरीव मदत केलेली आहे. हा सप्ताह यशस्वी व्हावा यासाठी हभप सी. एस. पाटील, हभप आर.डी.महाजन, डॉ. नरेंद्र पाटील, अमोल महाजन, एकनाथ महाराज, सुनील चौधरी, जगदीश मराठे व संस्थेचे सर्व विद्यार्थी मित्र मंडळ यासाठी परिश्रम घेत आहेत.
