जळगाव (प्रतिनिधी) आदि सतगुरू सुखरामजी महाराज यांच्या प्रगट दिन (गुरूनवमी) निमित्ताने दि. २६ फेब्रुवारी २०२५ पासून ते ६ एप्रिल २०२५ पर्यंत अखंड नामस्मरणाचे आयोजन रामद्वारा जगतपाल तर्फे आकाशवाणी, कांचन नगर तसेच सिव्हिल हॉस्पिटल जळगाव येथे करण्यात आले आहे.
नामस्मरणाची सुरूवात दि. २६ फेब्रुवारी २०२५, बुधवार रोजी सकाळी ७.०० वाजता गुरूमहिमा व पदगायन करून करण्यात आली. यानंतर राम नामाचे अखंड स्मरण करण्यात आले. या कार्यक्रमात जगतपाल चांडक गुरुजी आणि सर्व रामस्नेही हजर होते.
कार्यक्रमाचा उद्देश शहरातील जास्तीत जास्त नागरिकांना नामस्मरणाचा लाभ मिळवून देणे आहे. आयोजक राज सुर्यवंशी यांनी शहरवासीयांना आवाहन केले आहे की, त्यांना जवळच्या कांचन नगर, सिव्हिल हॉस्पिटल आणि आकाशवाणी येथील रामद्वाऱ्याशी संपर्क साधावा आणि नामस्मरणाचा लाभ घ्यावा.
