भुसावळ (प्रतिनिधी) भुसावळ, बोदवड व मुक्ताईनगर तालुक्यांच्या विविध गावांमधील असंख्य तरुण अखिल भारतीय लेवा पाटीदार युवक महासंघात प्रवेश करण्यास ईच्छुक आहेत. त्यापार्श्वभुमीवर पदविस्तार व नियोजन करण्यासाठी आढावा बैठक नागेश्वर मंदिर वरणगाव येथे घेण्यात आली. यावेळी आचेगावचे ग्रामपंचायत सदस्य अक्षय बेंडाळे यांची भुसावळ तालुका अध्यक्षपदी निवड करण्यात आली.
कार्यक्रमाच्या प्रारंभी सप्तश्रृंगी माता, लोहपुरुष सरदार वल्लभभाई पटेल व बहिणाबाई चौधरी यांच्या प्रतिमेला वंदन करून व प्रदेशाध्यक्ष प्रदिप (बंडू) भोळे व जिल्हा कार्याध्यक्ष अमोल कोल्हे यांच्या हस्ते पुष्पहार अर्पण करण्यात आला. उपस्थित युवकांच्यावतीने प्रदेशाध्यक्ष प्रदिप (बंडू) भोळे, जिल्हा कार्याध्यक्ष अमोल कोल्हे, प्रदेश सदस्य निखिल रडे, जिल्हा सदस्य अविनाश (बापू) बऱ्हाटे यांचा पुष्पगुच्छ देऊन सत्कार करण्यात आला.
कार्यक्रमाचे प्रास्ताविक अमोल कोल्हे यांनी केले त्यामध्ये त्यांनी सांगितले, आज लेवा समाज बांधवांनी एकत्र येणे व कुठेही समाजावर अन्याय होत असल्यास त्याठिकाणी आवाज उठवणे, समाजबांधवांना सहकार्य करणे, ही काळाची गरज आहे. तसेच समाजकार्याची आवड असणाऱ्या चांगल्या युवकांनी मोठ्या संख्येने महासंघात यावे, असे आवाहन त्यांनी केले. अध्यक्षीय भाषणात प्रदीप (बंडू) भोळे यांनी ग्रामीण भागातील बहुतांश लेवा समाजाचा शेती हा पिढीजात व्यवसाय असुन शेती बरोबरच पूरक जोड धंदा व आधुनिक शेती केल्याने युवक बरोजगारी वर मात करून समाजाची उन्नती होईल आणि गावोगावी अखिल भारतीय लेवा पाटीदार युवक महासंघाच्या शाखा लावणे व समाजकार्याची पद्धत आदी विषयांवर मार्गदर्शन केले.
सर्व उपस्थित युवकांनी स्वतःचा परिचय करुन दिला. भुसावळ मुक्ताईनगर बोदवड तालुक्यांमध्ये महासंघाच्या २० शाखा युवकांनी तयार केलेल्या असुन लवकरच त्या शाखांचे उदघाटन करण्यात येणार आहे व सरदार वल्लभभाई पटेल जयंतीपर्यंत १०० शाखांचे अनावरण करण्याचे महासंघाचे नियोजन व उद्दिष्ट आहे. उपस्थित सर्वानुमते आचेगावचे ग्रामपंचायत सदस्य अक्षय बेंडाळे यांची भुसावळ तालुका अध्यक्षपदी निवड करण्यात आली व प्रदेशाध्यक्ष प्रदीप (बंडू) भोळे यांच्या हस्ते त्यांचा सत्कार करण्यात आला.
कार्यक्रमाचे सुत्रसंचालन ऋषिकेश कोलते यांनी केले तर आभार प्रदर्शन अमोल कोल्हे यांनी केले. कार्यक्रमात अक्षय दिलीप बेंडाळे, ऋषिकेश कोलते, आकाश डिंगबर पाटील, रोशन अरुण इंगळे, सागर उद्धव पाटील, मयूर अनिल इंगळे, विशाल विनोद पाटील, प्रदीप रमेश वारके, कुणाल सुरेश नेमाडे, नरेंद्र पुरुषोत्तम पाटील, शुभम ज्ञानदेव पाटील, रुपेश अरुण पाटील, प्रतीक संजय इंगळे, प्रणव निलेश पाटील, लोकेश सुधाकर पाटील, संकेत संतोष वारके, प्रवीण मधुकर इंगळे, प्रथमेश यादव पाटील, जितेंद्र शेणफळू पाटील, ऋषिकेश विजय पाटील, विशाल सुरेश नेमाडे, विष्णू इंगळे, चेतन रवींद्र भोळे, कल्पेश उखर्दू पाटील, लोकेश राजेंद्र खाचणे, शुभम किशोर खर्चे, दशरथ दिलीप पाटील, गोविंदा जनार्धन पाटील, देवेंद्र विष्णू इंगळे आदि कार्यकर्ते उपस्थित होते.
