भुसावळ प्रतिनिधी : शहरातील मुक्ताई कॉलनी परिसरात असलेल्या ओंकार हाईट्स इमारतीतील एका कार्यालयात महिलेवर जबरदस्ती केल्याचा आरोप समोर आला, असून भुसावळ शहर पोलीस ठाण्यात संबंधित व्यक्तीविरुद्ध गुन्हा दाखल करण्यात आला आहे. या घटनेमुळे परिसरात एकच खळबळ उडाली आहे.
पोलिसांकडून मिळालेल्या माहितीनुसार, दि. १७ फेब्रुवारी २०२६ रोजी दुपारी सुमारे ३.४५ ते ४.३० वाजण्याच्या दरम्यान ही घटना घडल्याचे फिर्यादीत नमूद आहे. संबंधित महिलेने दिलेल्या तक्रारीनंतर दि. १८ फेब्रुवारी रोजी रात्री ९.१५ वाजता गुन्हा नोंदविण्यात आला.
तक्रारीनुसार, ५५ वर्षीय संशयित व्यक्तीने कार्यालयात बोलावून महिलेच्या इच्छेविरुद्ध जबरदस्ती केल्याचा आरोप आहे. याप्रकरणी गुन्हा दाखल करण्यात आला असून, प्रकरणाचा तपास सुरू आहे. घटनेची माहिती मिळताच वरिष्ठ पोलीस अधिकाऱ्यांनी घटनास्थळी भेट देऊन पाहणी केली. संबंधित ठिकाणचे सीसीटीव्ही फुटेज, उपलब्ध पुरावे आणि साक्षीदारांचे जबाब नोंदविण्याची प्रक्रिया सुरू असल्याची माहिती पोलीस सूत्रांनी दिली. तपास अधिकाऱ्यांकडून घटनेचा सर्वांगीण तपास केला जात आहे
