अमळनेर (प्रतिनिधी) आमदार अनिल भाईदास पाटील यांचे कट्टर समर्थक भुषण भदाणे यांची राष्ट्रवादी विद्यार्थी संघटनेच्या महाराष्ट्र प्रदेश कमिटीवर प्रदेश सचिव म्हणुन गुरुवारी राष्ट्रवादी विद्यार्थी संघटनेचे प्रदेशाध्यक्ष सुनिल गव्हाणे यांनी नियुक्ती जाहिर केली.
आ. अनिल भाईदास पाटील व माजी आमदार तथा जिल्हाध्यक्ष कल्याण-डोंबिवली राष्ट्रवादी कॉंग्रेस जगन्नाथ शिंदे यांच्या मार्गदर्शनाने तसेच पार्थ अजित पवार यांच्या नेतृत्वात व पार्थ पवार मित्र परिवार महाराष्ट्राचे अध्यक्ष आकाश झाबरे पाटील यांच्या सहकार्याने सदर नियुक्ती जाहीर करण्यात आली.
आ. अनिल पाटिल यांचे अत्यंत विश्वासू कार्यकर्ता म्हणुन भुषण भदाणे यांची ओळख आहे. विधानसभा निवडणुकीच्या वेळी सुद्धा त्यांनी महत्वाची जबाबदारी यशस्वी केली होती तसेच वेळोवेळी उत्तर महाराष्ट्र विद्यापीठात विद्यार्थी हितासाठी त्यांनी आजवर मोठ मोठे आंदोलन केली आहे. अमळनेर तालुक्यातील रणाईचे येथील शिक्षक संजय काशिनाथ भदाणे यांचे चिरंजिव असलेल्या भुषण भदाणे यांच्या नियुक्तीमुळे त्याच्यावर सर्व सामजिक, राजकिय, शैक्षणिक क्षेत्रातील स्तरातून अभिनंदनाचा वर्षाव होत आहे.
