मुंबई (वृत्तसंस्था) बॉलिवूडचे महानायक अमिताभ बच्चन यांची प्रकृती पुन्हा एकदा खालावली असून त्यांच्यावर शस्त्रक्रिया करावी लागणार आहे. खुद्द बिग बी यांनी त्यांच्या ब्लॉगमधून ही माहिती दिली आहे. शनिवारी रात्री लिहिलेल्या ब्लॉगमधून अमिताभ यांनी त्यांच्या प्रकृतीबद्दल माहिती दिली आणि त्यांच्या चाहत्यांना धक्का बसला.
बॉलिवूडचे दिग्गज अभिनेते अमिताभ बच्चन सोशल मीडियावर खूप अ‍ॅक्टिव असतात. ते आपल्या चाहत्यांसाठी नेहमीच काही कविता, फोटो, व्हिडिओ शेअर करत असतात. नुकताच अमिताभ बच्चन यांनी एक ब्लॉग शेअर केला आहे. तो ब्लॉग बघितल्यानंतर अमिताभ बच्चन यांच्या चाहत्यांना मोठा धक्का बसला आहे. खुद्द बिग बीने चाहत्यांना बिघडलेल्या तब्येतीची माहिती दिली आहे. शस्त्रक्रियेची माहिती देखील त्यांनी ब्लॉगमध्ये शेअर केली आहे. अमिताभ बच्चन यांनी आपल्या ब्लॉगमध्ये लिहिले की, मेडिकल कंडिशन, शस्त्रक्रिया, मी लिहू शकत नाही, त्यांच्या अशाप्रकारच्या ब्लॉगमुळे चाहते चिंतेत आले आहेत. मात्र, शस्त्रक्रिया झाली की, होणार हे समजू शकले नाही.
त्यांनी केलेल्या ट्विटर आणि इन्स्टाग्राम पोस्टनेही चाहत्यांच्या चिंतेत भर घातली आहे. या पोस्टमध्ये त्यांनी केवळ प्रश्नार्थक चिन्ह तेवढी लिहिलीत. त्यांची अन्य एक ट्विटर पोस्टही गूढ वाढवणारी आहे. ‘कुछ जरूरत से ज्यादा बढ गया है, कुछ काटने पर सुधरने वाला है… जीवन काल का कल है ये, कल ही पता चलेगा कैसे रहे वे…,’ असे या पोस्टमध्ये त्यांनी लिहिले आहे.
आता अमिताभ बच्चन यांचे चाहते त्यांच्या आरोग्यासाठी प्रार्थना करत आहेत. अमिताभ बच्चन यांच्या बहुचर्चित झुंड चित्रपटाची चाहते गेल्या अनेक दिवसांपासून वाट पाहात आहेत. अमिताभ बच्चन यांनी सोशल मीडियावर चित्रपटाचे पोस्टर शेअर केले होते. आणि चित्रपटाची रिलीज तारीखही जाहिर केली होती. हा चित्रपट १८ जूनला प्रदर्शित होणार असल्याचे बिग बीने सांगितले होते. बिग बी हे एका क्रीडा प्रशिक्षकाची भूमिका साकारत आहेत.
झोपडीत राहणाऱ्या मुलांना निवृत्त फुटबॉल क्रीडा शिक्षक विजय बारसे भेटतात आणि त्यांचं आयुष्य बदलून टाकतात, अशी या चित्चीरपटाची कथा आहे. सत्यकथेवर आधारित हा चित्रपट आहे. नागराज मंजुळेने या चित्रपटाची स्क्रीप्ट लिहिण्यासाठी सुमारे दोन वर्ष वेळ घेतला. बिग बी अमिताभ बच्चन यांना नजरेसमोर ठेवूनच नागराजने ही स्क्रीप्ट लिहिली. ज्या विजय बारसेंवर झुंड हा चित्रपट आधारित आहे, त्यांनी अनेक मुलांचं आयुष्य बदलून टाकलं. विजय बारसे एका कॉलेजमध्ये क्रीडा प्रशिक्षक होते. निवृत्तीनंतर त्यांनी झोपडपट्टीतील मुलांना फुटबॉलचं प्रशिक्षण दिलं.
