अमरावती (वृत्तसंस्था) अमरावती शहरात झालेल्या हिंसाचारा प्रकरणी पोलिसांनी मोठी कारवाई केली आहे. १३ तारखेच्या अमरावती बंदच्या मोर्चात भाजप व हिंदुत्ववादी संघटनांचा सहभाग होता. त्याचवेळी शिवसेना जिल्हाप्रमुख राजेश वानखडे आणि महानगर प्रमुख पराग गुडदे यांच्यासह चार शिवसैनिक या बंदमध्ये सहभागी झाल्याप्रकरणी सिटी कोतवाली पोलिसांनी अटक केली आहे.
अमरावती शहरात १२ आणि १३ तारखेला हिंसाचार झाला. १३ तारखेच्या अमरावती बंदच्या मोर्चात भाजप व हिंदुत्ववादी संघटना यांचा सहभाग होता त्याच वेळी शिवसेना जिल्हाप्रमुख राजेश वानखेडे महानगर प्रमुख पराग गुडदे यांच्यासह काही शिवसैनिक या बंदमध्ये सहभागी झाले, व प्रचंड घोषणाबाजी व नारेबाजी व चिथावणीखोर भाषणे सुद्धा केली. सिटी कोतवाली पोलिसांनी या प्रकरणी जिल्हाप्रमुख राजेश वानखडे महानगर प्रमुख पराग गुडधे यांच्यासह चार शिवसैनिकांना अटक केली आहे. यावरून या दंगलीत शिवसेनेचाही सहभाग होता हे आता स्पष्ट झाले आहे. दंगलीत शिवसेना सहभागी असूनही पोलीस त्यांना वाचवण्याचा प्रयत्न करत आहे असा पोलिसांवर सातत्याने आरोप होत.
तिकडे नांदेडमधूनही आता दोषींना अटक करण्याची मागणी होत आहे. भाजपचे माजी मंत्री अनिल बोंडे धरणे आंदोलन करत आहेत. नांदेडमधील दंगल ही पुर्वनियोजित होती, दंगलीतील प्रमुख आरोपींना अद्याप अटक करण्यात न आल्याचा आरोप भाजपचे माजी मंत्री अनिल बोंडे यांनी नांदेड मध्ये केला आहे. पोलिसांनी सर्च ऑपरेशन राबवून अवैध शस्त्र साठा जप्त करावा अशी मागणीही बोंडे यांनी केली आहे. दंगलीच्या निषेधार्थ नांदेडमध्ये आज भाजपच्या वतीने धरणे आंदोलन करण्यात आले होते. यावेळी बोंडे बोलत होते.
