धरणगाव (प्रतिनिधी) भरधाव ट्रकने दुचाकीला धडक दिल्याने झालेल्या अपघातात विखरण येथील 55 वर्षीय प्रौढाचा मृत्यू झाला तर दुचाकीवरून एक जण गंभीर झाला. हा अपघात मंगळवारी सकाळी 11 वाजेच्या सुमारास घडला. युवराज महाजन (55, रा.विखरण, ता.एरंडोल) असे मयताचे नाव आहे.
अपघातानंतर ट्रक चालक पसार
युवराज महाजन हे दुचाकी (एम.एच.19-4490) वरून सहकार्‍यासोबत जात असताना धरणगाव-चोपडा रस्त्यावरील जी.एस.ट्रेडिंगजवळ अज्ञात ट्रकने त्यांच्या दुचाकीला जोरदार धडक दिल्याने महाजन यांचा जागीच मृत्यू झाला तर सहकारी गंभीर जखमी झाले.
अपघातानंतर ट्रक चालक वाहनासह पसार झाला.
अपघातानंतर माजी लोकनियुक्त नगराध्यक्ष निलेश चौधरी, गोपाल पाटील, अमोल चौधरी, गौतम सोनवणे, विनोद रोकडे, गजानन महाजन आदींनी धाव घेत जखमीला उपचारार्थ हलवले.
