मुंबई (वृत्तसंस्था) मागील काही दिवसापांसून सिनेसृष्टीत अनेक अजब प्रकार घडताना दिसत आहे. यात एका 28 वर्षीय अभिनेत्रीला एक अज्ञात व्यक्ती चक्क गेली दोन महिने सेक्स टॉय आणि अंतर्वस्त्रे पाठवून त्रास देत आहे. असा धक्कादायक आणि विचित्र प्रकार उघडकीस आला आहे. अशा विचित्र भेटवस्तु पाठवणा-या विकृत चाहत्याचा शोध पोलिस घेत आहेत.
मीडिया रिपोर्टनुसार, संबंधित अभिनेत्रीने खुलासा करत म्हटलं आहे, ‘एक अज्ञात व्यक्ती गेली दोन महिने तिला विचित्र भेटवस्तू पाठवून त्रास देत आहे. त्या व्यक्तीने आजपर्यंत मला ८ वेळा भेटवस्तू पाठवली आहे. यामध्ये अंतर्वस्त्रे आणि काही सेक्स टॉय पाठवण्यात येत आहे. सुरुवातीला एक-दोन वेळा मी या गोष्टीकडे दुर्लक्ष केला. मात्र वारंवार तेच घडू लागल्याने मला पोलिसांची मदत घ्यावी लागली आहे. त्यांनतर आंबोली पोलीस या सर्व प्रकारचा तपास घेत आहेत.
यावर बोलताना आंबोली पोलीस स्टेशनच्या अधिकाऱ्याने म्हटलं आहे, ‘या सर्व प्रकरणामध्ये एका अज्ञात व्यक्तीविरुद्ध गुन्हा नोंद करण्यात आला आहे. त्यांनतर अजून महिलेला काही निदर्शनास आलेलं नाहीय. मात्र या प्रकरणात काही शॉपिंग ऑर्डर दिलेले नंबर हाती लागले आहेत. त्यानुसार पुढील तपास केला जात आहे’.
