धरणगाव (प्रतिनिधी) शहरातील वाणी गल्लीतून एकाची दुचाकी लंपास केल्याची घटना उघडकीस आलीय. या प्रकरणी अज्ञात चोरट्याविरुद्ध धरणगाव पोलिसात गुन्हा दाखल करण्यात आला आहे.
या संदर्भात अधिक असे की, संजय विठ्ठल वाणी (वय. ५६,रा. वाणी गल्ली) यांनी नेहमी प्रमाणे घरासमोर आपली युनीकॉन कंपनीची दुचाकी क्र. (एमच.१९, डीडी ०४५४) ही दि. २७ डिसेंबरच्या रात्री ११:३० वाजेच्या सुमारास लावली होती. दुसऱ्या दिवशी सकाळी ७ वाजेच्या सुमारास संजय वाणी घरा बाहेर आले असता त्यांना आपली दुचाकी गायब दिसली. यानंतर त्यांनी दुचाकीचा सगळीकडे शोध घेतला. परंतू मिळून आली नाही. त्यामुळे श्री.. वाणी यांनी दि. ३ जानेवारी रोजी पोलिसात धाव घेत चोरीची तक्रार दिली. या प्रकरणी अज्ञात चोरट्याविरुद्ध गुन्हा दाखल करण्यात आला असून पुढील तपास स. फौ. रामदास पावरा हे करीत आहेत. दरम्यान, काही दिवसांपासून गावातून दुचाकी चोरीला जाण्याचे प्रमाण वाढले आहे.
