धरणगाव (प्रतिनिधी) तालुक्यातील पिंप्रीजवळ धुमाकूळ घालणाऱ्या रस्ता लुटारूंच्या टोळीला अवघ्या काही तासांत जेरबंद करण्यात धरणगाव पोलिसांनी यश मिळाले होते. यातील दुसऱ्या गुन्ह्यात सुकदेव गणेश भिल (वय १८, रा.पिंप्री ता. धरणगाव) याला पोलिसांनी ताब्यात घेतले होते. न्यायालयात हजर केले असता त्याची जामीनावर सुटका झाली आहे.
रस्त्यात अडवून वेगवेगळ्या घटनेत दोघांना मारहाण करून लुटल्याची खळबळजनक घटना पिंप्रीजवळ घडल्या होत्या. २६ नोव्हेंबरच्या रात्री पहिली घटना रात्री साडेदहा वाजेच्या सुमारास विनोद शिवाजी पवार (रा. पढावद ता. शिंदखेडा) यांच्यासोबत घडली होती. अज्ञात तीन ते चार लोकांनी त्यांना वाघळूद बु. गांवाकडे जाणाऱ्या रोडवर, पिंप्रीखुर्द गांवाचे बाहेरील साईनगरी जवळ अडवले. यानंतर विनोद पाटील यांना जमिनीवर खाली पाडून त्यांच्या खिशातील मोबाईल,ब्लू ट्युथ आणि १५०० रुपये रोख, असा एकूण १६ हजार ५० रुपये किंमतीचा ऐवज जबरीने लुटून नेला होता. याप्रकरणात पोलिसांनी सुनील अशोक कुऱ्हाडे (वय १९ रा.पिंप्री खुर्द ता. धरणगाव), गोपाल संजय कुऱ्हाडे (वय २२,रा.पिंप्री खुर्द ता. धरणगाव), गणेश संजय कुऱ्हाडे (वय २०,रा.पिंप्री खुर्द ता. धरणगाव), कृष्णा अनिल (वय १९,रा.पिंप्री खुर्द ता. धरणगाव), यांना अटक केली होती. यांना अटक केली होई/
तर दुसऱ्या घटनेत संदीप सुरेश बोरसे (रा.सात्री ता. अमळनेर) यांना धरणगावकडे जाणाऱ्या नदीवरील पुलाजवळ तीन-चार अज्ञात इसमांनी येवून धक्काबुक्की करून त्यांच्या खिश्यातील ९ हजार ८०० रूपये किंमतीचा मोबाईल जबरीने लुटून अज्ञात चोरट्यांनी पोबारा केला होता. याप्रकरणी पोलिसांनी सुनील अशोक कुऱ्हाडे (वय १९ रा.पिंप्री खुर्द ता. धरणगाव), गोपाल संजय कुऱ्हाडे (वय २२,रा.पिंप्री खुर्द ता. धरणगाव) आणि सुकदेव गणेश भिल (वय १८, रा.पिंप्री ता. धरणगाव) याला अटक केली होती. या तिघांना न्यायालयात हजर केले असता न्यायालयाने त्यांची जामिनावर सुटका केली. दरम्यान, संशयित आरोपींनी जबरी चोरी केलेला मोबाईल काढून दिला आहे.
