नवी दिल्ली (वृत्तसंस्था) देशात कोरोनाचा नवीन वेरियंट ओमिक्रॉनच्या वाढत्या रुग्णसंख्येच्या पार्श्वभूमीवर केंद्रीय औषध मानक नियंत्रण संस्थेच्या (CDSCO) तज्ज्ञ पॅनेलने अलिकडेच आपत्कालीन परिस्थितीत प्रतिबंधित वापरासाठी अँटीव्हायरल औषध मोलनुपिरावीरला मंजुरी दिली आहे.
पाच दिवसांच्या कोर्ससाठी रुग्णांना १,३९९ रुपये मोजावे लागतील
कोविड अँटीव्हायरल औषध म्हणजे गोळी मोलनुपिरावीर भारतात लाँच करण्यात आली.( molnupiravir launched in india ) कोरोनाची सौम्य ते मध्यम संसर्ग असलेल्या रुग्णांना या गोळीचा पाच दिवसांचा कोर्स घ्यावा लागले. या ५ दिवसांच्या कोर्ससाठी रुग्णांना १,३९९ रुपये मोजावे लागतील.
दिवसांतून दोनदा घ्यायच्या गोळ्या
मोलनुपिरावीर हे एक अँटीव्हायरल औषध आहे, जे विशिष्ट आरएनए व्हायरला आळा घातले. हे औषध SARS-CoV-2 द्वारे संसर्ग झालेल्यांमध्ये COVID-19 वर उपचार करण्यासाठी वापरले जाते. Molnupiravir 800 mg चा शिफारस केलेला डोस हा पाच दिवसांचा आहे आणि दिवसांतून दोनदा या गोळ्या घ्यायच्या आहेत. प्रत्येकी २०० मिलीग्रॅम असलेल्या ४० गोळ्या (कॅप्सूल) घेणे रुग्णाला आवश्यक आहे. दरम्यान, सिप्ला, सन फार्मा आणि डॉ रेड्डीज लॅबोरेटरीज देखील येत्या आठवड्यांमध्ये मोलनुपिरावीर कॅप्सूल बाजारात आणतील, अशी अपेक्षा आहे.
टाइम्स ऑफ इंडियाच्या वृत्तानुसार, इतर अँटीव्हायरल औषधांप्रमाणेच, कोरोनाची गोळीही व्हायरसला आळा घालणे आणि त्याची वाढण्याची क्षमता कमी करण्यासाठी काम करेल. लस व्हायरसला शरीरात प्रवेश करण्यापासून रोखते. तर अँटीव्हायरल गोळ्या व्हायरसचा संक्रमणानंतरचा धोका रोखतील. कोरोना पिल्स एक अँटीव्हायरल औषध आहे. हे औषध कोरोना पॉझिटिव्ह लोक घेऊ शकतील. असेही बोलले जाते की, या गोळ्यांमुळे लोकांना आपल्या लक्षणांवर घरच्या घरीच उपचार करणे आणि लक्षणे अधिक वाढण्यापासून रोखण्यासाठी मदत मिळू शकते.
