संत रोहिदास चर्मोद्योग व विकास महामंडळाच्या योजनांच्या लाभासाठी अर्ज करण्याचे आवाहन

जळगाव (प्रतिनिधी) संत रोहिदास चर्मोद्योग व विकास महामंडळ मर्या. जळगाव यांच्यामार्फत सन 2020-21 मध्ये राबविल्या जाणा-या विविध शासकीय योजनांकरीता उद्दिष्ट प्राप्त झाले आहे. त्यानुसार चर्मकार समाजातील ईच्छूक अर्जदारांकडून प्रस्ताव मागविण्यात येत आहे.

महामंडळाच्या विशेष घटक योजना (50% अनुदान योजना) व बीज भांडवल योजनेचा लाभ घेण्यासाठी, अर्जदाराने अथवा अर्जदाराच्या पति/पत्नीने यापूर्वी महामंडळाच्या कुठल्याही योजनेचा लाभ घेतलेला नसावा, लाभ घेऊ इच्छिणा-या अर्जदाराने आवश्यक कागदपत्रांची पूर्ण पुर्तता करुन तीन प्रतीत अर्ज स्वत: उपस्थित राहून दाखल करावा.

कर्ज प्रस्तावासोबत जोडावयाचे कागदपत्र – जातीचा दाखला, चालू वर्षाचे उत्पन्नाचा दाखला, शाळेचा दाखला, रेशनकार्ड, मतदानकार्ड, आधारकार्ड व पॅनकार्ड, कोटेशन (जी.एस.टी.क्र.सहित), आवश्यकतेनुसार प्रकल्प अहवाल, वाहना करिता लायसन्स, परवाना, बॅच, जामिनदाराचे कागदपत्रे, शपथपत्रे, जागेचा पुरावा, लाईट बिल, टॅक्स पावती, भाडेकरारनामा किंवा 7/12 उतारा, व्यवसायाचा नाहरकत दाखला किंवा शॉपॲक्ट लायसन्स, पासपोर्ट साईज तीन फोटो इत्यादी कागदपत्रे जोडणे आवश्यक आहे.

कर्ज प्रस्ताव महामंडळाच्या विहित नमुन्यातील झेरॉक्स अर्ज सकाळी 9.45 ते संध्याकाळी 6.45 पर्यंत जिल्हा कार्यालय, डॉ. बाबासाहेब आंबेडकर सामाजिक न्याय भवन, महाबळ रोड, मायादेवी मंदिराजवळ, महाबळ, जळगाव या ठिकाणी स्वीकारले जातील. असे एस. एन. तडवी, जिल्हा व्यवस्थापक, संत रोहिदास चर्मोद्योग व चर्मकार विकास महामंडळ मर्या, जळगाव यांनी एका प्रसिध्दी पत्रकान्वये कळविले आहे.