जळगाव (प्रतिनिधी) माजी खासदार व गोदावरी फाऊंडेशनचे अध्यक्ष डॉ. उल्हास पाटील यांच्या स्विय सहाय्यकपदी नुकतीच येथील परीट (धोबी) सामाजिक चळवळीतील युवा पदाधिकारी राकेश दिनकर वाघ यांची नियुक्ती करण्यात आली आहे.
सामाजिक, राजकीय, आरोग्य विषयी विविध उपक्रम राबवण्यासाठी वाघ हे कार्यरत राहतील, असे डॉ. उल्हास पाटील यांनी नियुक्तीपत्रात नमूद केले आहे. या नियुक्तीबद्दल परीट (धोबी) समाजाचे प्रदेशाध्यक्ष विवेक ठाकरे, प्रदेश कार्याध्यक्ष ईश्वर मोरे, जळगाव जिल्हा जागृत मंचचे शिवराम पाटील, बारा बलुतेदार महासंघाचे जिल्हा कार्याध्यक्ष राजेंद्र मगनराव सोनवणे आदींनी स्वागत केले आहे.
