मुंबई (वृत्तसंस्था) अंमली पदार्थ नियंत्रण कक्षाने शनिवारी रात्री मुंबईहून गोव्यात जाणाऱ्या क्रुझमधील रेव्ह पार्टीवर केलेल्या कारवाईत शाहरूख खानचा मुलगा आर्यन खान याला अटक करण्यात आली आहे. आर्यन खानची ड्रग्स प्रकरणात चौकशी केली जात आहे. या चौकशीदरम्यान वडिलांशी फोनवर बोलताना आर्यन खानला रडू कोसळले. या दरम्यान आर्यनने जवळपास ४ वर्षांपासून ड्रग्सचे सेवन करत असल्याचे सांगितले.
एनसीबीच्या सूत्रांनी दिलेल्या माहितीनुसार, आर्यनने चौकशी दरम्यान कोठडीत कबूल केले आहे की तो गेल्या चार वर्षांपासून ड्रग्ज घेत होता. त्याने केवळ भारतातच नाही तर दुबई, यूके आणि इतर अनेक देशांतही अंमली पदार्थांचे सेवन केले आहे. चौकशीत असे समोर आले आहे की अरबाज मर्चंट देखील आर्यनसोबत सतत ड्रग्ज घेत होता. चौकशीदरम्यान आर्यन सतत रडत असल्याचेही समोर आले आहे. एनसीबीने आर्यनला फोनवर शाहरुखशी बोलण्याचीही मुभा दिली होती. शाहरुख खान आणि गौरी खान यांना त्यांचा मुलगा ड्रग्स घेत असल्याची माहिती असल्याचंही सूत्रांनी सांगितलं.
शाहरुखच्या ‘मन्नत’ या बंगल्यातही सर्च ऑपरेशनसाठीही टीम तयार आहे. आर्यनच्या अटकेनंतर, कायदेशीर प्रक्रियेचा एक भाग म्हणून, एनसीबीने आर्यनला त्याच्या लँडलाईन फोनवरुन शाहरुख खानशी सुमारे २ मिनिटे बोलण्यास दिले. मिळालेल्या माहितीनुसार, आर्यन खान चौकशीदरम्यान सतत रडत होता. त्याने भारताबाहेर यूके, दुबई आणि इतर देशांमध्ये ड्रग्सचे सेवन केले आहे.
