अमळनेर (प्रतिनिधी) नगरपरिषदेच्या प्रभाग क्रमांक ०८ मध्ये मुख्य रस्त्याच्या खडीकरणाला प्रारंभ करण्यात आला.
नगरसेवक विवेक भीमराव पाटील यांच्या सततच्या पाठपुराव्यामुळे तसेच अमळनेर नगरपरिषदेच्या लोकनियुक्त नगराध्यक्षा पुष्पलता साहेबराव पाटील व माजी आमदार कृषिभूषण साहेबराव पाटील यांच्या मार्गदर्शनाखाली प्रभाग क्रमांक ०८ मधील रहदारीसाठी मुख्य असलेल्या पिंपळे रस्त्याचे मजबुतीकरण व डांबरीकरण कामाची सुरुवात करण्यात आली. भुयारी गटारीच्या कामामुळे रस्त्याची दुरावस्था झालेली होती. पावसाळ्याच्या आधी काम सुरू व्हावे, अशी सामान्य नागरिकांची मागणी होती. सदर रस्त्याच्या कामामुळे मोठा दिलासा मिळणार असल्याने नागरिकांनी समाधान व्यक्त केले.
